Голливуд юлдузи Kиaну Ривз яқинда намойиш этиладиган “Жон Уик 4” фильми устида ишлаш ҳақида гапирди. Актёрнинг таъкидлашича, фильм бутун франшизалардаги энг кўп акцияларга бой кинокартина бўлади.
“Катта шоу бўлади. ‘Жон Уик 4’ кинокартинаси карерам давомидаги энг кўп жисмоний меҳнат талаб қиладиган ролим эди. Улар менга асбоблар тўплами деб аталадиган нарсадан қандай фойдаланишни ўргатишди. Биз пойгани янги босқичга олиб чиқдик, бу менга ёқди. Бу бизнинг ақл бовар қилмайдиган асаримиз”, — дейди Ривз Тоtal Film’га берган интервьюсида.
Лента сужетидаги воқеалар Лондон, Париж, Берлин, Япония ва бошқа ҳудудларни ўз ичига олган бир нечта жойларда содир бўлади. Уик дунёдаги энг йирик жиноят синдикати — Кланлар кенгаши билан тўқнаш келади. Тўртинчи қисмда Донни Ен, Билл Скарсгард, Лоренс Фишберн, хонанда Рина Саваяма ва бошқа кўплаб актёрлар рол ўйнаган. Март ойининг охирида “Жон Уик 4” халқаро миқёсда экранларга чиқади.