Қозоғистоннинг Алмати шаҳрида шахматнинг рапид ва блиц йўналиши бўйича Жаҳон чемпионати бўлиб ўтмоқда. 28 декабрь, чоршанба куни рапид йўналишида ғолиблар аниқланди.
Мусобақанинг сўнгги 13-турида ўзбекистонлик Нодирбек Абдусатторов Озарбайжон вакили Рауф Мамедовга қарши дона сурди ва дуранг натижа қайд этди. Шу тариқа Абдусатторов рапид бўйича Жаҳон чемпионатини 8,5 очко билан қўшимча коэффициентларга кўра 10-ўринда якунлади.
Норвегиялик Магнус Карлсен 13 та турда 10 очко жамғариб, рапид йўналиши бўйича жаҳон чемпионига айланди.
Эслатиб ўтамиз, 2021 йилда Нодирбек Абдусатторов рапид йўналишида чемпионга айланган эди.
Изоҳ (0)