«Кундалик» қўллаб-қувватлаш хизматига бўлаётган мурожаатлар, шарҳлар ва хабарлар эътиборсиз қолмайди ва диққат билан таҳлил қилинади. Жорий йилда фойдаланувчиларни энг кўп қизиқтирган саволлар - сайтнинг техник имкониятлари, янги хизмат ва функцияларни яратиш, вилоятлардаги мактаб ўқитувчиларининг рақамли саводхонлигини ошириш зарурлигига тааллуқли бўлди. Мазкур мақолада қандай ишлар амалга оширилгани ва Ўзбекистонда халқ таълимини рақамлаштириш кўрсаткичлари қандай ўзгаргани ҳақида батафсил танишиб чиқишингиз мумкин.
Лойиҳага сармоялар
2022 йилда «Кундалик» максимал юкламаларни ҳисобга олган ҳолда фойдаланувчиларнинг қулай ишлаши учун замонавий юқори технологияли Dell ускунасини сотиб олди. Ускуналар «Ўзтелеком» маълумотларни қайта ишлаш марказига ўрнатилди. Шунингдек, Халқ таълими вазирлиги билан тузилган ДХШ келишуви доирасида мактабларни техник жиҳозлаш учун маблағ ажратилди.
«Кундалик» ривожланишининг янги босқичлари
Жорий йилда «Кундалик» сайтининг «Иловалар» бўлимида «Ўзлаштириш таҳлили» хизмати ишга туширилди. Илова - боланинг билими ва мактабдаги ютуқларининг батафсил таҳлилини, фанлар бўйича рейтингини тақдим этади.
Кундалик тижорат хизматлари учун Humans, UPay, Allgood.uz интернет бозоридан кэшбэк олиш имконияти қўшилди.
Ота-оналар ва ўқувчилар учун ўтган йили тақдим этилган Kundalik.Family иловаси 1 миллиондан ортиқ маротаба юклаб олинди. Ўқитувчилар интернетга уланмасдан ҳам ишлашлари мумкин бўлган Кундалик.Теачер иловасидан ҳар ой 240 мингдан ортиқ ўқитувчилар фойдаланади. «Similarweb» берган маълумотларга кўра, «Кундалик» Ўзбекистондаги барча сайтларнинг машҳурлик рейтингида учинчи ўрин ни эгаллаб турибди.
2022 йил январь—декабрь ойлари учун ривожланиш динамикаси
«Кундалик» платформаси Ўзбекистон ҳудудларида фаол жорий этилмоқда. Электрон журнал ва кундаликлардан фойдаланишнинг энг юқори кўрсаткичлари: Наманган, Хоразм, Жиззах, Сирдарё, Бухоро вилоятларида қайд этилган. 2022 йилда «Кундалик» методистлари Ўзбекистоннинг барча вилоятларида 83 минг нафар ўқитувчилар, туман, вилоят ва ХТВ ходимлари учун 1900 та юзма-юз ва онлайн семинарлар ўтказишди. Платформани янада кенгроқ татбиқ этиш учун вилоятлардаги мактабларда онлайн ва офлайн семинарлар ҳам ўтказилади.
Kundalik.Family иловасида баҳолар ва уй вазифалари ҳақидаги билдиришномаларни кўриш 52 фоизгача ошди.
Қўллаб-қувватлаш хизмати мутахассислари электрон почта, телефон ва Telegram-боти орқали 60 000 дан ортиқ сўровларга жавоб беришди.
Янги йилда ЭдТеч соҳасини янги босқичга олиб чиқишга ёрдам берадиган, Ўзбекистон Президентининг 2022 йил 20 декабрдаги Олий Мажлис ва Ўзбекистон халқига Мурожаатномасида эълон қилинган мактаб таълимидаги ислоҳотларга ҳисса қўшадиган янги имкониятлар ва хизматлар яратиш режалаштирилган.
Реклама ҳуқуқи асосида.
Изоҳ (0)