Huawei nova смартфонларининг ҳар битта авлоди илғор технологиялар асосида яратилиб, замонавий дизайн, қудратли камера, аъло даражали функциялар ва интеллектуал мулоқотда ўз аксини топувчи инновациялар ғоясини ифода этади. Янги Huawei nova 10 серияси ҳам мазкур ғояни давом эттирган ҳолда Huawei nova 10 Pro, Huawei nova 10 ва Huawei nova 10 SE моделларини қамраб олувчи 10-авлод қурилмаларининг силсиласини бошлаб берди.
Қуйида Huawei nova 10 сериясидаги қурилмаларнинг техник хусусиятлари ва функциялари ҳақида батафсил маълумот келтирилади.
Замонавий инфлюенсерлар учун башанг дизайн
Huawei nova 10 серияси милтилловчи кул ранг, порлоқ қора, ялпизранг яшил ва лаванда рангларида тақдим этилган бўлиб, уларнинг фазовий шуъласи қандай услуб танланганидан қатъи назар, сизнинг қиёфангизни бошқалардан яққол ажратиб туради. Ҳашамат ва нозиклик тароватини ҳосил қилиш учун бир хил тусли ва нейтрал кийимлар билан милтилловчи кул ранг ва порлоқ қора рангидаги nova 10 Pro моделини уйғунлаштириш тавсия этилади. Ялпизранг яшил рангидаги nova 10 SE навқиронлик ва ҳаётий қувватни аъло даражада таъкидлай олади, майин лаванда рангли нова 10 эса сокинлик ва табиат билан қоришиш ҳиссиётини яратади. Бу ҳар иккала модель ранг-баранг либос ёки гулдор нақшли аксессуарларни хуш кўрадиган замонавий инфлюенсерларга мос тушиб, уларнинг қиёфасига бир маромда зеб бағишлай олади.
Ҳаваскорлар ва профессионал фотографлар учун камералар
Huawei nova 10 сериясидаги камералар ҳар қандай даражадаги фотографларнинг талабларига жавоб бера олади.
Huawei nova 10 ва nova 10 Pro қурилмалари Ultra Vision 50 MP RYYB ва автоматик фокуслаш функциясига эга 8 МП аниқликдаги ултракенг бурчакли макромодулдан иборат асосий Ultra Vision камераси билан жиҳозланган бўлиб, бу айниқса эндигина фотография оламига кириб келаётган сураткашлар учун айни муддаодир. Янги фотографларга битта қурилманинг ўзида ҳар хил тасвирга олиш усулларини синаб кўриш имкониятини тақдим этиш учун асосий динамик камера ёрдамида смартфон ҳар қандай саҳналарни, дейлик, баланд тоғлар тизмасидан гул баргидаги шудринг қатрасигача бўлган манзараларни объективга муҳрлай олади.
Ҳар кунлик контентни яратишга хизмат қиладиган воситалар
Huawei nova 10 SE моделининг асосий камера модули тасвирларни қайта ишловчи RAW тизими билан жиҳозланган бўлиб, у юқори аниқликдаги High-Res 108 мегапикселли асосий модуль, 8 мегапикселли ўткирлик чуқурлигини ўлчайдиган ултракенг бурчакли модуль ва 2 МП аниқликка эга макромодулдан ташкил топган. 9 та пикселни 1 та пикселга бирлаштириш технологияси кенгайтирилган ёритиш диапазони туфайли ажойиб детализация даражасини таъминлайди. ф/1.9 форматдаги кенг диафрагма эса кўпроқ ёруғликни ўтказиш ва орқа фонни табиий хиралаштириш учун ўткирлик чуқурлигини яхшилаш имконини бериб, тасвирга олиш объектига бутун эътиборни жалб этади. RAW форматидаги кадрларни бирлаштириш алгоритми турфа хил тасвирга олиш сценарийларида юқори самарадорликни таъминлайди. nova 10 SE смартфони ҳам бино ичида, ҳам ташқарида, қоронғилик ёки хира ёритиш шароитида ҳам ажойиб суратларни тушира олади.
Геймерлар ва кўнгилочар машғулот ишқибозлари учун функциялар тўплами
Мобил ўйинлар ривожланган бир даврда, фойдаланувчилар ўйин функцияларининг кенг тўпламига эга смартфонларни афзал кўришади. Huawei nova 10 ва nova 10 Pro смартфонда ўйин сифатини оширувчи янги Touch Turbo 2.0 технологияси билан кучайтирилган. Фойдаланувчилар керакли амални ишга тушириш учун шунчаки қурилмани силкитишлари кифоя. Бу хусусият MOBA, аcтион ва пойга жанридаги ўйинларни хуш кўрувчи кишилар учун жуда асқатади. Смартфоннинг ҳолатини ўзгартирган ҳолда, ўйинчилар ҳеч қандай қийинчиликсиз нишонга олиши, отиши, аслаҳа-анжомларни алмаштириши, қуролни қайта ўқлаши ва олдинга юришлари мумкин.
Бундан ташқари, нова 10 сериясидаги смартфонларда Huawei SuperCharge тезкор қувватлаш функцияси ҳам мавжуд бўлиб, у қурилмани саноқли дақиқаларда зарядлай олади. Энди батареянинг иш вақти ҳақида ўйланавериб, безовта бўлишга ҳожат йўқ. Навбатдаги ўйинни юклаб олиши ёки қувватланиши учун шунчаки ўз nova 10 Pro телефонингизни 20 дақиқа четга суриб қўйинг. Танаффусдан кейин севимли сериалингизни томоша қилиш ёки мароқли ўйинни ўйнашга қайтишингиз мумкин.
Huawei nova 10 сериясидаги смартфонлар ҳақида батафсил.
Реклама ҳуқуқи асосида.
Изоҳ (0)