«Реал» ЖЧ—2022 юлдузларидан бири Гвардиолга қизиқиш билдирмоқда

«Лейпциг» клуби ва Хорватия терма жамоаси ҳимоячиси Йошко Гвардиол фаолиятини Испания Ла Лигасида давом эттириши мумкин.

Marca нашрининг хабар қилишича, футболчига «Реал»дан қизиқиш бор. Мадридликлар анчадан бери Гвардиолни кузатиб боради.

Трансферни амалга оширишда «Лейпциг»нинг кўп пул сўраши муаммо бўлиши мумкин. Сабаби «буқалар» Йошкони сотишга шошилмаяпти ва талабгорларга катта нарх айтиши мумкин.

Айрим хабарларга кўра, «Реал» 20 ёшли иқтидор эгаси учун немис клубига 90 миллион евро таклиф қилган. Гвардиолнинг ўзига эса йилига 6 миллион евро маош беришга тайёр бўлган.

Хорватиялик футболчи ЖЧ—2022 даги ишончли ўйини сабаб кўплаб клублар қизиқиши сабаб бўлмоқда. Аввалроқ Англиянинг Манчестер шаҳри жамоалари ва «Челси» ҳимоячига қизиқиш билдираётгани ҳамда трансфер учун 90—100 миллион евро сарфлашга тайёр экани хабар қилинганди.