Бугунги кунда Россияда 200 минг нафар ўзбекистонлик меҳнат миграциясида норасмий иштирок этмоқда. Бу ҳақда 13 декабрь куни АОКАда бўлиб ўтган матбуот анжуманида Ташқи меҳнат миграцияси агентлиги бошқарма бошлиғи Азим Аҳматов маълум қилди.
Азим Аҳматовнинг айтишича, ҳозирда хориждаги жами ўзбек муҳожирлари сони 2 миллион нафардан ортиқ.
Жорий йилнинг биринчи чораги якунида хорижий давлатлардаги ўзбекистонлик меҳнат муҳожирлари сони 2 миллион 346 минг нафарни ташкил этган. Бу рақам чиққандан кейин 400 минг нафар Ўзбекистон фуқароси мамлакатга қайтиб келган. Бугунги кунда ўртача 2 миллион нафардан ортиқ Ўзбекистон фуқаролари меҳнат миграциясида иштирок этмоқда.Қўшимча қилинишича, ҳозирда Кореяда 64 минг ўзбекистонлик ишлаётган бўлиб, уларнинг 13 минг нафари мамлакатда норасмий фаолият юритмоқда.Айтиш керакки, ҳозирда мигрантларнинг расмий ишлаш ҳолати кескин ошди. Илгари умумий меҳнат миграциясида иштирок этаётган фуқароларнинг 0,15 фоизигина расмий ишлаётган бўларди. Бугун бу кўрсаткич мавсумга қараб 8-9 фоиз атрофида. Умумий олганда эса чет элдаги фуқароларнинг 90 фоизга яқини расмий ишламоқда. Масалан, Россияда 1 миллион 500 минг фуқаромиз меҳнат миграциясида иштирок этяпти. Уларнинг 200 минг нафари мамлакатда норасмий юради. Фуқароларимиз кўп давлатларга ташкилий тартибда кетмаган бўлса ҳам хорижда меҳнат фаолиятини расмийлаштирган», – деди мутахассис.
Изоҳ (0)