Бугун,

  • USD 11095.31
  • RUB 173.84
  • EUR 10772.44

Қашқадарёда 2022 йилнинг ўтган 11 ойи давомида Давлат кадастрлари палатаси вилоят бошқармаси ва унинг ҳудудий филиаллари томонидан 32 860 та ер участкаси ҳамда кўчмас мулкка кадастр паспорти тайёрлаб берилган. Бу ҳақда «Дарё»га Давлат кадастрлари палатаси вилоят бошқармаси ахборот хизмати раҳбари Намоз Чориев маълум қилди

Маълум қилинишича, кадастр ҳужжатини тайёрлаш юзасидан энг кўп мурожаат вилоятнинг Қарши шаҳри аҳолисидан келиб тушган бўлиб, мурожаатлар 8591 тани ташкил қилган.

Кадастр ҳужжатларини тайёрлаш ҳудудлар кесимида таҳлил қилинганда Қарши шаҳрида 8591 та, Шаҳрисабз шаҳрида 2014 та, Чироқчи туманида 1299 та, Деҳқонобод туманида 843 та, Ғузор туманида 1438 та, Касбида 905 та, Китобда 2974 та, Кўкдала туманида 288 та, Косонда 1520 та, Миришкор туманида 1133 та, Муборак тумани 852 та, Нишонда 1688 та, Қамашида 1291 та, Қарши тумани 4508 та, Шаҳрисабз тумани 1592 та ва Яккабоғ туманида 1924 та ер участкаси ҳамда кўчмас мулкка кадастр паспорти тайёрлаб берилган, — дейди бошқарма ахборот хизмати раҳбари Номоз Чориев.

Қўшимча қилинишича, вилоятдаги 42 583 та ер участкаси ва кўчмас мулкка бўлган ҳуқуқлар ва тузилган битимлар 4 мингга яқин қурилиши якунланган бино ва иншоотларни фойдаланишга қабул қилиш ҳақидаги далолатномалар бошқарма томонидан давлат рўйхатидан ўтказилган.

Давлат кадастрлари палатаси вилоят бошқармаси томонидан 30 389 та турар жой, 12 193 та нотурар жой кўчмас мулк объектлари ва 6819 та кўп қаватли турар жойлар (квартиралар)га бўлган ҳуқуқлар давлат рўйхатидан ўтказилган, — дейди бошқарма ахборот хизмати масъули.

Шунингдек, қишлоқ хўжалиги мақсадларида деҳқон хўжалиги ташкил этиш учун онлайн электрон танлов орқали 18 367 та ер майдони аукцион савдога чиқарилган.

 

Мавзуга доир: Ўзбекистонда кадастр ҳужжатлари бўлмаган хонадонларга ер солиғини уч карра ошириб ҳисоблаш амалиёти вақтинча тўхтатиб турилади

 

Изоҳ
Асосий янгиликлар
Маҳаллий
Саудиялик тадбиркор Ўзбекистонда автомашина эҳтиёт қисмлари ишлаб чиқаришга сармоя киритади 
Маҳаллий
1000 доллар ойлик олаётган ўқитувчилар, 1 млн нафардан ошган талабалар, янги қурилган 27 та ТТЖ — олий таълим вазири ўринбосари Комилжон Каримов билан эксклюзив су...
Маҳаллий
Тошкентда 3 та машина иштирокида ЙТҲ содир бўлди