Bugun,

  • USD 11095.31
  • RUB 173.84
  • EUR 10772.44

Qashqadaryoda 2022-yilning o‘tgan 11 oyi davomida Davlat kadastrlari palatasi viloyat boshqarmasi va uning hududiy filiallari tomonidan 32 860 ta yer uchastkasi hamda ko‘chmas mulkka kadastr pasporti tayyorlab berilgan. Bu haqda “Daryo”ga Davlat kadastrlari palatasi viloyat boshqarmasi axborot xizmati rahbari Namoz Choriyev ma’lum qildi

Ma’lum qilinishicha, kadastr hujjatini tayyorlash yuzasidan eng ko‘p murojaat viloyatning Qarshi shahri aholisidan kelib tushgan bo‘lib, murojaatlar 8591 tani tashkil qilgan.

Kadastr hujjatlarini tayyorlash hududlar kesimida tahlil qilinganda Qarshi shahrida 8591 ta, Shahrisabz shahrida 2014 ta, Chiroqchi tumanida 1299 ta, Dehqonobod tumanida 843 ta, G‘uzor tumanida 1438 ta, Kasbida 905 ta, Kitobda 2974 ta, Ko‘kdala tumanida 288 ta, Kosonda 1520 ta, Mirishkor tumanida 1133 ta, Muborak tumani 852 ta, Nishonda 1688 ta, Qamashida 1291 ta, Qarshi tumani 4508 ta, Shahrisabz tumani 1592 ta va Yakkabog‘ tumanida 1924 ta yer uchastkasi hamda ko‘chmas mulkka kadastr pasporti tayyorlab berilgan, — deydi boshqarma axborot xizmati rahbari Nomoz Choriyev.

Qo‘shimcha qilinishicha, viloyatdagi 42 583 ta yer uchastkasi va ko‘chmas mulkka bo‘lgan huquqlar va tuzilgan bitimlar 4 mingga yaqin qurilishi yakunlangan bino va inshootlarni foydalanishga qabul qilish haqidagi dalolatnomalar boshqarma tomonidan davlat ro‘yxatidan o‘tkazilgan.

Davlat kadastrlari palatasi viloyat boshqarmasi tomonidan 30 389 ta turar joy, 12 193 ta noturar joy ko‘chmas mulk obyektlari va 6819 ta ko‘p qavatli turar joylar (kvartiralar)ga bo‘lgan huquqlar davlat ro‘yxatidan o‘tkazilgan, — deydi boshqarma axborot xizmati mas’uli.

Shuningdek, qishloq xo‘jaligi maqsadlarida dehqon xo‘jaligi tashkil etish uchun onlayn elektron tanlov orqali 18 367 ta yer maydoni auksion savdoga chiqarilgan.

 

Mavzuga doir: O‘zbekistonda kadastr hujjatlari bo‘lmagan xonadonlarga yer solig‘ini uch karra oshirib hisoblash amaliyoti vaqtincha to‘xtatib turiladi

 

Izoh
Asosiy yangiliklar
Mahalliy
Buxoroda bir qancha oilaviy bog‘chalar faoliyati vaqtincha to‘xtatildi 
Mahalliy
Germaniyada aviatsiya xodimlari ish tashlashi tufayli Uzbekistan Airways Frankfurtga parvozni bekor qildi
Biznes
Markaziy Osiyoda Rossiyaning ko‘chmas mulk bozoriga qiziqish ortib bormoqda