ДХХ Тошкент вилоятининг Юқори Чирчиқ туманида икки нафар фуқаро дала ҳовлида яширин нарколаборатория ташкил этиб, синтетик наркотик модда тайёрлаб, сотиш билан шуғулланганларни аниқлади.
ЎзАнинг хабар қилишича, дала ҳовлида 1 килограмм 12 грамм «Мефедрон» синтетик гиёҳвандлик воситаси, кимёвий суюқликлар ва бошқа зарур ускуналар топилган. Шунингдек, бу шахсларнинг бирига тегишли «кафе»да 18 грамм опий, 33 грамм гашиш, 2 грамм «Мефедрон» наркотик моддалари борлиги аниқланган.
Бу шахслар Telegram орқали мижоз топиб, наркотик моддаларни хуфия жойларга яшириб кетиш орқали сотган. Тадбир давомида 15 та хуфия жойга сотиш мақсадида 7 грамм «Мефедрон» ва 8 грамм гашиш наркотик моддалари яширилгани аниқланган.
Қонунбузарлар жиноий ҳаракатларига фарғоналик кимёгарни ҳам жалб этган. Кимёгар элементлардан фойдаланган ҳолда гиёҳвандлик воситасини тайёрлаган. Наркотикларни хуфия жойларга жойлаштириш билан эса Юқоричирчиқ туманида яшовчи шахс шуғулланган.
Ҳозирда мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
Мавзуга доир: Фарғонадаги хонадонда 21,5 кило гиёҳванд модда кўмиб қўйилгани аниқланди (видео)
Изоҳ (0)