Бугун,

  • USD 11095.31
  • RUB 173.84
  • EUR 10772.44

Туркия ташқи ишлар вазири Эгей денгизидаги ҳарбий машғулотлар юзасидан Грецияга қарши «чора кўриш» билан таҳдид қилди. Греция ТИВ эса бунга муносабат билдирди. Бу ҳақда Associated Press хабар берди.

Фото: Middle East Online

Фото: Middle East Online

Баёнотга кўра, Туркиянинг «такрорий уруш таҳдидлари»ни қабул қилиб бўлмайди, Греция халқаро ҳуқуқ ва Бирлашган Миллатлар Ташкилотининг денгиз қонунини ҳурмат қилади. Туркия Эгей денгизининг шарқий қисмидаги Греция оролларига аскар ёки қурол-яроғ жойлаштирилиши халқаро ҳуқуққа мувофиқ ноҳарбий мақомга зид эканини таъкидламоқда.

Греция эса эътироз билдириб, Туркиянинг эҳтимолий ҳужумидан уларни ҳимоя қилиши кераклигини, жумладан, Туркия ороллар қаршисида муҳим ҳарбий кучга эгалигини қайд этган.

6 декабрь куни Туркия ташқи ишлар вазири Мевлут Чавушўғли Греция ўз қонунбузарлигидан воз кечиши кераклигини айтган.

«Ёки у бу масалада орқага чекинади ва келишувга амал қилади, ёки биз нима керак бўлса, амалга оширамиз», — деган эди сиёсатчи.

Туркия ва Греция ўнлаб йиллар давомида бир қатор масалалар, жумладан, Эгей денгизидаги ҳудудий даъволар ва ҳаво ҳудуди юзасидан баҳслашиб келади. Ўтган 50 йил ичида бу тортишувлар уларни уч марта уруш ёқасига олиб келган.

Аввалроқ АҚШ сенатори Роберт Менендес Туркия НАТО иттифоқчиси бўлишига қарамай, Эгей денгизида провокацион парвозлар билан Греция суверенитетига қарши чиқаётганини айтганди. Шунингдек, у Анқаранинг хатти-ҳаракати Туркияни демократик давлат сифатида тавсифламаслигини таъкидлаган. Сенатор Туркия президенти Ражаб Тоййиб Эрдўғоннинг АҚШдан F-16 қирувчиларини сотиб олиш ва модернизация қилиш талаби бўйича келишувни маъқулламаслигини яна бир бор қайд этган.

Изоҳ
Асосий янгиликлар
Дунё
Туркия ва Суриядаги зилзила нега ҳалокатли оқибатларга олиб келди?
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Дунё
Туркия ва Суриядаги кучли зилзила: Вайроналар остидан одамлар қидирилмоқда — фоторепортаж