Бугун,

  • USD 11095.31
  • RUB 173.84
  • EUR 10772.44

АҚШ маъмурияти ўз фуқароларининг чет элда ҳибсга олинишларига тўсқинлик қилиш учун ўзида мавжуд воситаларни кенгайтирди. Бу ҳақда Оқ уй матбуот котиби Карин Жан-Пьер маълум қилди. Хусусан, Вашингтон бундай «ғайриқонуний ҳибслар»га алоқадор шахсларга нисбатан санкциялар киритиш билан таҳдид қилди.

Карин Жан-Пьер

Карин Жан-Пьер
Фото: EPA

Брифинг чоғида Жан-Пьер маълум қилишича, АҚШ ҳукумати америкаликларнинг ҳибсга олиниши билан боғлиқ муаммони ҳал қилиш учун ҳукумат қўллаши мумкин бўлган воситалар мажмуини кенгайтирган. Унинг аниқлик киритишича, гап ҳибсларга алоқадор «расмий ва норасмий шахсларга санкциялар ва визалар беришга тақиқ каби жиддий харажатлар ва оқибатлар» ҳақида бормоқда.

«Шунингдек, Давлат департаменти ўзининг сафарлар бўйича тавсияларига АҚШ фуқароларини мунтазам равишда бундай амалиётдан фойдаланадиган олтита мамлакатда ғайриқонуний ҳибс хавфи ҳақида огоҳлантирувчи янги кўрсаткич киритди», — дея қўшимча қилди матбуот котиби.

Гап қайси мамлакатлар ҳақида бораётганига аниқлик киритилмади. Янги кўрсаткични Давлат департаменти июнда жорий қилганди. АҚШ фуқаролари учун ноқонуний қўлга олиниш хавфи бўлган мамлакатлар Д индикатори билан белгиланади. Идора сайтида бундай кўрсаткич Россия, Эрон, Венесуэла ва Шимолий Кореяда бор.

Эслатиб ўтамиз, 8 декабрь куни Москва ва Вашингтон россиялик Виктор Бутни америкалик баскетболчи Бриттни Грайнерга айирбошлади. Бут 2012 йилда қурол савдоси учун АҚШда 25 йиллик колонияга ҳукм қилинганди. Грайнер эса августда ёнидан наша ёғи топилгани учун тўққиз йилга ҳукм қилинганди.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов