Зеленский идораси Украинадаги уруш қандай тугашини прогноз қилди
Украина президенти девонининг бош маслаҳатчиси Михаил Подоляк уруш қандай тугашини ва Россия билан музокара олиб бориш шартини маълум қилди.
Унинг сўзларига кўра, музокара учун Россия Украинадан қўшинларини олиб чиқиши ва элитасини ўзгартириши керак.
«Россия ўз қўшинларини олиб чиқиб, Украина ҳудудларини озод қилиши керак. Россия элитаси трансформациядан ўтиши зарур. Шундан сўнг музокаралар бошланиб, конструктив мулоқот бўлади. Унда Россиянинг халқаро ҳуқуққа қайтиши, товон тўлови миқдори ва Ялтадаги махсус трибуналга йиғилиш жадвали келишиб олинади», — дейди Подоляк.
Шунингдек, расмий Украинадаги уруш қандай тугашини ҳам прогноз қилди. «Анъанавий уруш бўлади, бу вақт давомида Россия аста-секин ўзининг ҳужум қобилиятини заифлаштиради, яъни 1991 йилдаги Россия чегараларига аста-секин чекинади», — дейди у.
Президент девони вакилининг қўшимча қилишича, уруш мудофаа кучлари Украина чегараларига етиб бориши билан тугамайди. Чунки бундан кейинги қадам чегара зонасини демилитаризация қилиш ҳисобланади.
«Россия ҳарбий хизматчилари чегарадан 50-100 километр узоқликка чекинади. Уруш билан боғлиқ воқеалар бундан кейин ҳам шундай ривожланади», — дея қўшимча қилди Подоляк.
- «Украинадаги урушни Россия бошламаган» — Путин (видео)
- «Россия баҳорда янги ҳужум бошлаш учун Украинадаги урушни музлатмоқчи» — Столтенберг
- Украинадаги уруш қишда қандай кечиши прогноз қилинди
