Ўзбекистонда куз-қиш мавсумида об-ҳавонинг совуши сабабли метан газ қуйиш шохобчаларига чекловлар киритилиши ҳақида хабар берилган эди. Монополияга қарши курашиш қўмитаси бу ҳолат унинг нархи ошишига сабаб бўла олмаслигини маълум қилди.
«Монополияга қарши курашиш қўмитаси томонидан метан газ нархлари доимий мониторинг қилиб борилаётганлиги ва тадбиркорлар томонидан автомобилларга газ қуйиш шохобчаларида метан гази нархларини сунъий равишда ошириш ҳолати аниқланган тақдирда мансабдор шахсларга белгиланган тартибда тегишли чора кўрилиши маълум қилинади», — дейилади қўмита хабарида.
Монополияга қарши курашиш қўмитаси бу борада барча ҳудудий бошқармаларига аниқ топшириқлар берилгани ва улар томонидан назорат ишлари олиб борилаётгани тўғрисида огоҳлантирди.
Изоҳ (1)
Metan zapravkalarda belgilangan davlat narxlari qanday izoh berib qoʻyilar