Бугун,

  • USD 11095.31
  • RUB 173.84
  • EUR 10772.44

«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 9-сони мавзуси «Тошкент яшаш учун қулайми?» бўлиб, дастур меҳмони сифатида Қонунчилик палатаси депутати Дониёр Ғаниев таклиф этилди.

Фото: «Дарё» / Дилруҳ Исомиддинова

Фото: «Дарё» / Дилруҳ Исомиддинова

Дастур меҳмони нима учун фуқароларнинг машина сотиб олишга рағбати кучли эканига тўхталиб, буни фақат шохона ҳаётга тақлид рамзи сифатида кўрмаслик кераклигини айтди. Унинг фикрича, одамлар асосан эҳтиёжи борлиги сабаб сотиб олади машинани.

Нега шунча одам автомобиль ҳайдаяпти, сотиб олишга мажбур бўляпти? Балки шохоналик нуқтаи назаридан эмас, кундалик юмушларини бажариш учун ечим сифатида қарашар.

Чунки, биринчидан, бизда автомобиль ҳайдаш жуда ҳам арзон (автомобиль қиммат, бошқа сабабларга кўра). Иккинчидан, шаҳардаги парковка масаласи — текин ва ҳеч қандай тартибга солинмаган. Учинчиси, жамоат транспортининг деярли фалаж аҳволга келиб қолгани.

Бизга шаҳарнинг «А» нуқтасидан «Б» нуқтасига етиб олишимиз учун самарали транспорт таъминланмаган. Шу учун кўпчилик автомобилда ҳаракатланади.

Ҳозир биз бундан аввал кўплаб катта шаҳарлар қилган хатони такрорлаяпмиз. Мантиқан ўйлаяпмизки, 4 та қаторли машина йўлига 100 та автомобиль сиғса, шу йўлни 8 қаторли қиламиз ва машиналар сиғимини 200 тага етказамиз, шу орқали оқим тирбандликка учрамайди. Лекин аслида бу орқали биз яна 100 та машинанинг кўчада ҳаракатланишига рағбат қиляпмиз. Сўнггида яна масаланинг бошига қайтиб келаверамиз, — дейди Дониёр Ғаниев.

Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.

Изоҳ

Баҳтиёр Турсунов

04.12.2022, 12:59

Bu odam boshi bilan urushib qolgan shekilli

Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов