Тошкентда 12 ёшли қиз ўз жонига қасд қилди

Тошкентнинг Мирзо Улуғбек туманида 12 ёшли қиз ўз жонига қасд қилди. Бу ҳақда Бош прокуратура матбуот хизмати «Дарё»га маълум қилди.

28 ноябрь куни соат тахминан 17:24 ларда Мирзо Улуғбек тумани ИИО ФМБ навбатчилик қисмига келиб тушган хабарга кўра, 7-синф ўқувчиси бўлган 12 ёшли қиз З.А. Олтинтепа кўчасидаги уй ҳовлисида дарахтга ўзини осиб, жонига қасд қилган.

Суд-тиббий экспертизаси Юнусобод филиалининг 29 ноябрдаги дастлабки маълумотига кўра, марҳуманинг ўлимига бўйин аъзоларининг сиртмоқ билан тиқилишидан келиб чиққан механик асфиксия сабаб бўлганини аниқлаган.

Ҳозирда ҳолат юзасидан Мирзо Улуғбек тумани прокуратураси томонидан терговга қадар текширув олиб борилмоқда.