Маманбий Омаров Қорақалпоғистон транспорт вазири этиб тайинланди. Бу ҳақда Жўқорғи Кенгес матбуот хизмати хабар берди.
Маълум қилинишича, Жўқорғи Кенгес раиси Аманбай Ўринбаев 30 ноябрь куни республика ҳудудида транспорт хизматини кўрсатиш борасидаги ишларни такомиллаштириш ҳамда йўл қўйилган хатоларга бағишланган йиғилиш ўтказган.
Йиғилишда транспорт хизмати кўрсатиш бўйича ишлар самарали такомиллаштирилмагани ва бошқа бир қатор камчиликларга йўл қўйгани сабабли Қорақалпоғистон транспорт вазирининг ўринбосари ва вазирлик ҳуқуқшуноси лавозимидан озод этилгани ҳам маълум қилинган.
Омаров Маманбий тайиновга қадар Ўзбекистон Транспорт вазирлигининг Халқаро алоқалар, логистика ва экспортни рағбатлантириш бошқармаси бошлиғи лавозимида ишлаб келган. Бунга қадар 2019 йилдан буён Қорақалпоғистон транспорт вазирлигига Султанбай Сапаров раҳбарлик қилиб келган.
Изоҳ (0)