Тошкентда бетон тўсиққа бориб урилган Nexia’да ёнғин келиб чиқди

Тошкентнинг Олмазор туманида бетон тўсиққа бориб урилган Nexia’да ёнғин келиб чиқди.

Пойтахт ЙҲХБ матбуот хизмати хабарига кўра, 30 ноябрь куни соат 21:00 ларда Тошкент шаҳар Олмазор тумани Тошкент халқа автомобиль йўли Сокин кафеси қаршисида 1996 йилда туғилган Д.Б. Nexia-1 ни ҳайдаб кетаётиб, рул бошқарувини йўқотиб, йўлнинг ўнг томонидаги бетон тўсиққа бориб урилган.

Оқибатда машина мотор қисмида ёнғин келиб чиққан. Ёнгин Фавқулодда вазиятлар ходимлари томонидан ўчирилган. Ҳодиса натижасида тан жарохати олганлар йўқ.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.

Мавзуга доир: Тошкентда Mercedes-Benz ва Lacetti тўқнашиб кетди