Давлат солиқ қўмитаси раиси Шерзод Кудбиев солиқ органлари фаолияти янада очиқ тарзда ёритиб борилишини маълум қилди.
«Сўнгги пайтларда солиқ органлари солиқ маъмурчилигини рақамлаштириш бўйича катта йўлни босиб ўтди ва бу борада ҳали кўп ишларни қилишимиз лозим. Шу билан бирга, бугунги кунда солиқ органлари жараёнларни автоматлаштириш ҳисобига олинган маълумотларни очиқ эълон қилишга тайёр», — деб ёзган у ўзининг Facebook’даги саҳифасида.
Қўмита раиси шу муносабат билан солиқ органлари фаолиятига доир кўрсаткичлар бўйича ахборотларни мунтазам эълон қилиб бориш амалиёти йўлга қўйилаётганини билдирди. Унинг сўзларига кўра, ушбу маълумотлар ҳар ойда даврий равишда эълон қилиб борилади ҳамда улар жамоатчиликка солиқ маъмурчилигининг структураси ва динамикасини кўриш, уларнинг ижобий ва салбий тенденцияларини кузатиб бориш имконини беради.
«Шундай экан, солиқ маъмурчилигига оид кўрсаткичлар нафақат солиқ органлари, балки бутун жамоатчилик учун қизиқарли ва фойдали маълумотлар ҳисобланади. Жорий йилнинг 1 декабридан эътиборан ҳар куни эълон қилинадиган ахборотларни кузатиб боришингизни ва биринчилардан бўлиб солиқ маъмурчилигига доир янгиликлардан хабардор бўлишингизни тавсия қиламиз», — деган Шерзод Кудбиев.
Мавзуга доир: Ўзбекистон солиқ ислоҳотида қандай хатоларга йўл қўйилган?
Изоҳ (0)