Бугун,

  • USD 11095.31
  • RUB 173.84
  • EUR 10772.44

Украинанинг Испаниядаги элчихонаси ҳудудида портлаган жўнатма элчи Сергей Погорельсэвга юборилган. Бу ҳақда украиналик дипломат «Европейская правда» нашрига хабар берди.

Фото: AFP

Фото: AFP

Элчининг сўзларига кўра, портловчи модда аввал оммавий ахборот воситаларида эълон қилингандек конвертда эмас, балки ҳужжатлар солинадиган каттароқ ҳажмдаги қоғозли пакетда бўлган. Погорельсэвга шахсан йўлланган ушбу почта манзили келтирилмагани ва одатда дипломатларга юбориладиган почтага ўхшамагани учун котибда шубҳа уйғотган. Котиб почтани комендантга, яъни элчихонани қўриқлаш учун масъул бўлган украиналик зобитга топширган.

Фото: Украинанинг Мадриддаги элчихонаси

Фото: Украинанинг Мадриддаги элчихонаси

«Қоғоз ‘посилка’ ичида қути бор эди, шунинг учун комендант шубҳаланиб қолди. Уни очиш учун ҳовлига чиқди. Комендант ‘почта’ ичидаги овозни эшитиб, уни зудлик билан улоқтирди. Шунда портлаш овози эшитилди. Элчихона коменданти қутини улоқтирганига қарамай, портлаш оқибатида унинг қўли жароҳатланган. У контузияга ўхшаш зарба олганини айтди», — дейди элчи.

Погорельсэвнинг қайд этишича, бу кучли портловчи қурилма эмас, бироқ эҳтиёткорлик бўлмаганида оқибатлари бошқача бўларди.

«Аввало элчихона ходимларининг профессионал ҳаракатлари бўлмаганида оқибат анча оғирроқ бўларди», — дейди у.

Дипломат хавфли почтани ким юбориши мумкинлигини тахмин қилмаган, бироқ Испания расмийлари тергов учун барча ҳаракатларни амалга оширишга ваъда берган. Испания ташқи ишлар вазири Хосе Мануэль Альбарес ҳолат юзасидан Украина элчиси билан телефон орқали суҳбатлашиб, уни қўллаб-қувватлашини билдирган.

Эслатиб ўтамиз, 30 ноябрь куни Украинанинг Мадриддаги элчихонасида портлаш юз берди. Портлашдан сўнг Украина ташқи ишлар вазири Дмитрий Кулеба Украинанинг барча элчихоналарида зудлик билан хавфсизлик чораларини кучайтиришга кўрсатма берди. Ҳозирда полиция элчихона жойлашган ҳудудни ўраб олган. Воқеа жойида сапёр ва полициялар ишламоқда.

Изоҳ
Асосий янгиликлар
Дунё
Охирги 100 йил ичида содир бўлган дунёдаги энг кучли 10 та зилзила (видео+фото)
Дунё
Польша бош вазири Украинадаги уруш учинчи жаҳон урушига айланишини прогноз қилди
Маҳаллий
Ўзбекистонда доллар курси яна ошди