«Исломий давлат» (ИШИД) етакчиси Абу ал-Ҳасан ал-Ҳошимий ал-Қурайший йўқ қилинди. Бу ҳақда террорчилик гуруҳи маълумотига таяниб, Reuters хабар берди.
Террористик ташкилот ўзининг янги раҳбари этиб Абу ал-Ҳусайн ал-Ҳусайний ал-Қурайшийни танлаганини маълум қилди.
Марҳум халқаро террорчи 45 ёшда эди. У 2022 йил 3 февралда АҚШ махсус кучлари томонидан Сурияда йўқ қилинган Абу Иброҳим ал-Ҳошимий ал-Қурайший ўрнига ИШИД раҳбари этиб тайинланганди. Байден мазкур операцияда АҚШ ҳарбийлари Атма шаҳри яқинидаги уйни қамал қилиб, вертолётларда етиб келганини айтган. Операция давомида ИШИД етакчиси ўз жонига қасд қилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)