Бугун,

  • USD 11095.31
  • RUB 173.84
  • EUR 10772.44

Ўзбекистон Ташқи ишлар вазирлиги 30 ноябрь куни Афғонистоннинг Саманган провинцияси Айбак шаҳрида содир этилган террорчилик хуружини кескин қоралаши тўғрисида баёнот берди.

Фото: «Дарё» / Мадина Нурман

Фото: «Дарё» / Мадина Нурман

«Жиҳодия» мадрасасида амалга оширилган ҳаракат кўплаб инсонларнинг, асосан, ёш талабаларнинг қурбон бўлишига олиб келган.

Яна бир бор шуни маълум қиламизки, бундай зўравонлик ҳаракатлари кескинликнинг кучайишига сабаб бўлиб, Афғонистонда барқарор ва узоқ муддатли тинчлик ўрнатишга, шунингдек, миллий келишувга эришишга тўсқинлик қилади. Ҳалок бўлганларнинг оила аъзолари ва яқинларига самимий ҳамдардлик билдирамиз, жароҳатланганларнинг тез фурсатларда соғайиб кетишини тилаймиз, — дейилади хабарда.
Аввалроқ Афғонистондаги диний мактабда портлаш юз бериб, 35 киши ҳалок бўлгани хабар қилинганди. Соғлиқни сақлаш манбаларига кўра, ҳодиса оқибатида 35 киши ҳалок бўлган ва 23 киши жароҳатланган. Улар Самангон вилоят касалхонасига ётқизилган. «Толибон» ҳаракати ҳозирча портлаш ҳақда маълумот бермаган. Вилояти касалхонасидаги манбалар портлаш қурбонларининг аксарияти талабалар эканини айтган.

Таъкидланишича, «Толибон» воқеа жойини тўсиб қўйган ва ҳеч кимга суратга олишга рухсат бермаган. Портлаш бўлган ҳудуддан жасадларни олиб чиқилган. Портлашнинг моҳияти ҳозирча номаълум, ҳеч бир гуруҳ ҳодиса учун жавобгарликни ўз зиммасига олмаган.

Афғонистонда портлаш тез-тез содир бўлади, асосан жума намози пайтида масжидлар ҳужумга учрайди. Сентябрь ойида Кобулдаги таълим маркази имтиҳон вақтида портлатилганди, оқибатда 32 киши ҳалок бўлган.

Изоҳ
Асосий янгиликлар
Дунё
Охирги 100 йил ичида содир бўлган дунёдаги энг кучли 10 та зилзила (видео+фото)
Дунё
Польша бош вазири Украинадаги уруш учинчи жаҳон урушига айланишини прогноз қилди
Маҳаллий
Ўзбекистонда доллар курси яна ошди