Бугун,

  • USD 11095.31
  • RUB 173.84
  • EUR 10772.44

Ижтимоий тармоқларда Тошкент шаҳридаги Махсуслаштирилган юқумли касалликлар шифохонасида иссиқ сув таъминотида юзага келган узилишлар ҳақида хабарлар тарқалди. Мазкур ҳолат юзасидан Республика санитария-эпидемиологик осойишталик ва жамоат саломатлиги хизмати маълумот берди.

Фото: «Дарё»

Фото: «Дарё»

Таъкидланишича, ушбу шифохона 2012 йилда ташкил этилгани боис тиббиёт муассасасининг иситиш тизими бутунлай яроқсиз ҳолга келиб қолган. Хусусан, сўнгги пайтларда сув қувурлари носоз бўлиб, бу ҳолат шифохонада даволанаётган беморларни иссиқ сув билан таъминлашда турли муаммоларни юзага келтирмоқда. Бундан ташқари, баъзи хоналар таъмирталаб аҳволда бўлиб, даволаш муолажаларини тўлиқ амалга оширишнинг имкони йўқ.

Шу сабабли Республика санитария-эпидемиологик осойишталик ва жамоат саломатлиги хизмати томонидан ўтказилган ўрганишлар якунига кўра, ушбу махсуслаштирилган тиббиёт муассасаси иш фаолияти тўхтатилди.

Беморларга сифатли тиббий ёрдам кўрсатилишини ташкил этиш мақсадида мазкур шифохона 1 декабрдан вақтинча Республика махсус 2-сонли Зангиота шифохонасига кўчирилади. Эндиликда фаолияти тўхтатилган объектда қурилиш-таъмирлаш ишлари амалга оширилади.

Изоҳ
Асосий янгиликлар
Маҳаллий
“Права”ни янгисига алмаштириб берадиган онлайн хизмат фаолиятида носозлик кузатилмоқда
Маҳаллий
Ўзбекистонда газ заправкалар қайта очилиши кутилмоқда
Дунё
Россия Беларусга янги ҳарбий қисмлар жойлаштирди — Украина чегара хизмати