Ўзбекистонда хизмат кўрсатган артист Улуғбек Раҳматуллаев «Тарафлар» кўрсатувига берган интервьюсида нима сабабдан телекўрсатувларга чиқмаётгани, санъатдан кетгиси келган давр бўлгани ва санъатга доғ тушираётган ҳамкасблари борлиги ҳақида гапирди.
«Телевидениедаги бир кўрсатувга борсангиз бошловчи сизни ким биландир урушишингизга сабаб бўладиган, ‘қитиғлайдиган’ саволларни беради»
Кўрсатувларга боришни 90 фоизга камайтириб юборганман, 95 фоиз десам ҳам тўғри бўлади. Сабаби ўзим хоҳлаган даражадаги қизиқарли кўрсатувларни кўрмаяпман. Менга «санъатга кириб келишингизга ким сабабчи бўлган», «биринчи қўшиғингиз қайси эди» деган саволларни бериш хато, чунки миллион марта жавоб берилган, ижтимоий тармоқларда ҳам бор. Шахс сифатида ўйланиб қоладиган саволларни хоҳлайман, шунақа нарсаларни топа олмагандан кейин узоқлашиб қолдим.
Ёки телевидениедаги бир кўрсатувга борсангиз бошловчи сизни ким биландир урушишингизга сабаб бўладиган, «қитиғлайдиган» саволларни беради, кейин сиз ҳам кимнидир ғийбат қиласиз, гуноҳ бўлади. Ундан кейин бир ой ўзингизга келмайсиз, нега бордим дейсиз. Кўрсатувни қўйма дегани виждонингиз йўл қўймайди, сабаби унинг орқасида қанча мухлислар турибди, қолганлар меҳнат қилган. Шунақа ҳолат бўлгани учун ҳақиқатан ҳам ўзини касбини ҳурмат қилган инсонлар билан суҳбат қилишга югураман. Тонгги дастурлар бор, яхшиликни раво кўрадиган, пиар деган нарса шунақа тушунча бўлиб қолдики, уни кўриш учун ҳамма ишни қиладиган бўлиб қолишди.
«Санъатдан кетсаммикан деб ўйладим, менда ҳеч қачон бунақа ҳолат бўлмаган эди»
Менда шунақа давр бўлди, санъатдан ҳам кетгим келди. Чунки ўзимизнинг соҳамиздаги бир иккита инсонлар, ёши катталари ҳам бор, фақат ёшлар дея олмайман, отини айтмайман, айнан шахсиятига теккизиб гапирадиган одам эмасман, шу соҳага доғ тушираверганидан ҳурмати пасайиб қолган ҳолатлар бўлди. Мен уялдим, чунки мен ҳам шу соҳанинг бир бўлагиман деган нарса бўлди.
Санъатдан кетсаммикан деб ўйладим, менда ҳеч қачон бунақа ҳолат бўлмаган эди. Бироқ яхши фикрлайдиган мухлислар борлиги, уларни қўллаб-қувватлаши оқибатида, ишимни яхши кўрганим учун ўзимга куч беришим ушлаб қолди. Ё бу ҳолатдан ўтдик, ёки ўрганиб қолдик.
Мавзуга доир:
- Instagram: 13 ёшли мухлисининг орзусини рўёбга чиқарган Улуғбек Раҳматуллаев, йўл ҳаракати қоидаларига амал қилмайдиган Миролим Қиличев, туғилган кунини нишонлаётган Эмре Кивилжим
- Юлдуз Усмонова, Шаҳзода, Улуғбек Раҳматуллаев ва чет эл хонандалари билан дуэт куйлаган бошқа ўзбек санъаткорлари (видео).
- Instagram: Ҳашаматли хонадонини кўрсатган Улуғбек Раҳматуллаев, туғилган кунини Дубайда нишонлаган Асал Шодиева, аҳволи оғирлашган Лутфулла Саъдуллаев.
- Улуғбек Раҳматуллаев хатосини англаб етди. «Ўзбекконцерт» хонанданинг лицензиясини қайтарди.
Изоҳ (0)