Қиролича Елизавета II биринчи навбатда ҳурматли монарх сифатида қабул қилинган. Аммо шуни унутмангки, Ҳазрати олиялари ҳам аёл эди. Мода саноатига таъсири жиҳатидан у Британиянинг асосий мода иконаси Кейт Миддлтондан қолишмасди.
Ёрқин лаб бўёғидан фойдаланинг
Биз қизил ёки бошқа ёрқин лаб бўёғи одатда бирон бир тадбир, масалан, тўй, ресторан ёки театрга борганда фойдаланишга ўрганиб қолганмиз. Аммо Елизавета II ҳар бир кун учун ёрқин лаб бўёғи нафис эканлигини бир неча бор исботлаган.
Агар шубҳангиз бўлса, лаксиз маникюрни танланг
Шубҳасиз, кўплаб қизлар тирноқ бўёғи рангини танлаш деярли энг қийин қарор эканлигини тасдиқлайди, чунки шунча ранг ичидан бирини танлаш керак. Аммо қиролича Елизавета бундай муаммога дуч келмади. Бунинг сабаби шундаки, у лакнинг табиий тери рангини афзал кўрди ва 30 йилдан ортиқ вақт давомида у билан тирноқларини бўяди. Айтилишича, унинг энг севимлиси 1989 йилда унинг илтимосига биноан Эсси лак фирмаси томонидан яратилган «Балет туфлиси» деб номланган лак эди.
Пошнали пойабзал кийиш — ҳар қандай ёшда нафислик белгиси
Пошнали пойабзал кийишга Елизавета II жуда жиддий ёндашди. Унинг пойабзал парвариши бўйича ходими ва алоҳида одам бор эди. Қироличанинг бир пайтлар у учун махсус тайёрланган севимли пойабзал модели бор эди. Агар пойабзал эскирган бўлса, улар ҳар сафар янгидан ясалган. Албатта, фотосуратларга кўра, малика бундан ташқари бошқа моделларни ҳам кийган.
Қўлқопларни ҳам унутманг
Ҳазрати олиялари қўлларига жуда ғамхўрлик қилган. Деярли барча суратларда унинг қўлқоп кийганини кўриш мумкин. Бу уни бошқа одамларнинг қўлидаги кўплаб микроблардан ҳимоя қилган.
Сумкангизда пудра олиб юринг
Одатда аёллар сумкасида жуда кўп нарсалар бўлади: ҳужжатлар, калитлар, тароқ, лаб бўёғини ўз ичига олади. Аммо сумкангизда пудра доим бўлиши керак, чунки у ҳар қандай вақтда сизга ёрдам бериши мумкин.
Оломондан ажралиб туринг
Елизавета II нинг деярли ҳар бир образи ёрқин ранглар парадига ўхшайди. Мақсад — оломондан ажралиб туриш, шунда ҳамма қироличани кўра олади. Ҳазрати олияларининг энг севимли ранги сариқ эди — бу рангдаги костюмда у шаҳзода Уильям ва Кейтнинг тўйига ташриф буюрган.
Шляпалар ҳеч қачон ортиқчалик қилмайди
Маълум бўлишича, қиролича шляпалари нафақат аксессуар, балки унинг юзини қуёш нурларидан ҳимоя қилувчи муҳим буюм ҳамдир. 1953 йилда тож кийиш маросимидан бери Елизавета II 5000 дан ортиқ бош кийим кийгани ҳам ажабланарли эмас, албатта.
Аксессуар сифатида брошни танланг
Брош қироличанинг энг севимли заргарлик буюмларидан бири бўлган кўринади. Ҳазрати олиялари камдан кам ҳолларда плаш ёки пальтонинг чап ёқасида заргарлик тақинчоғисиз кўринарди. Қиролича бу аксессуарга шунчалик эҳтиёткор бўлганки, у ташриф буюрган мамлакатга қараб баъзан маълум бир заргарлик буюмини танлаган.
Монохром кийининг
Қиролича ўзининг монохром кўриниши билан машҳур эди. Унинг деярли барча чиқишлари битта рангдаги ёки битта ранг схемасидаги либослар эди — шляпадан юбкага қадар. Бундай образ қироличани атрофдагилардан ажратиб турган, нафис ва баландроқ кўринишга имкон берган.
Образни рўмол билан бойитинг
Қироличанинг энг машҳур бош аксессуари бу рўмолдир. Уни ияги остига боғлаб юришни афзал кўрарди. Ҳазрати олиялари рўмолли ҳолда шаҳар ташқарисидаги тадбирларда, масалан, пойгаларда кўриниш берган.
Марваридли заргарлик буюмларини тақинг
Қиролича нафақат қимматбаҳо тошлар билан безатилган тож ва маржонларни, балки камтарроқ, аммо нафис марварид тақинчоқларини ҳам яхши кўрарди. Унинг образида кўпинча уч қатор маржон ва марварид сирғаларнинг дуэтини кўриш мумкин.
Мавзуга доир:
- Қиролича Елизавета II саратон сабабли вафот этгани маълум қилинди
- Нима сабабдан қиролича Елизавета II ҳар доим омма олдида шляпада кўриниш берган?
- Нима учун қиролича Елизавета II омма олдида доимо сумка билан кўриниш берган ва унинг ичида нима сақлаган?
- Елизавета II нинг вафотидан кейин таниқли мода уйи мотам либослари коллекциясини яратди (фото)
Изоҳ (0)