Бугун,

  • USD 11095.31
  • RUB 173.84
  • EUR 10772.44

Покистоннинг «Таҳрики Толибон» радикал гуруҳи июнь ойида мамлакат ҳукумати билан тузилган ўт очишни тўхтатиш ҳақидаги битимни бекор қилди. Шунингдек, гуруҳ раҳбарияти ўз жангариларига мамлакат бўйлаб террорчилик ҳужумлари уюштиришни буюрди, деб хабар бермоқда Express Tribune гуруҳ баёнотига таяниб.

Фото: EPA

Фото: EPA

Сўнгги ҳафталарда «Таҳрики Толибон» ҳукумат билан тинчлик музокараларини олиб бораётган эди. Бироқ, музокаралар жараёни бир қатор келишмовчиликлар туфайли боши берк кўчага кириб қолди. Хусусан, «Таҳрики Толибон» тинчлик битими тузилган тақдирда қуролларни ташлашдан бош тортган.

Гуруҳ мулоқот давомида натижаларга эришиш учун «вафодорлик кўрсатиб, сабрли бўлгани»ни айтмоқда. Бироқ, мамлакат армияси ва махсус хизматлари гуруҳга қарши доимий операциялар ўтказмоқда ва ҳужумлар уюштирмоқда. Энди «Таҳрики Толибон» «қаерда имконият топилса» шу жойда ҳужум қилишга чақирмоқда.

«Таҳрики Толибон» Покистонда шариат қонунларини ўрнатишга интилаётган бир қанча гуруҳлар уюшмасидан иборат. У биринчи марта 2021 йил 10 ноябрда Афғонистонни эгаллаб олган «Толибон» ҳаракати ёрдамида Покистон ҳукумати билан вақтинчалик ўт очишни тўхтатиш ҳақида сулҳ имзолаган эди.

Изоҳ
Асосий янгиликлар
Маҳаллий
Қўшимча талаб этиладиган 37,5 минг тонна пиёз 1 апрелга қадар ички бозорларга киритилади
Маҳаллий
“YouTube’даги обуначиларимиз сони МДҲ мамлакатлари ИИВ каналлариникидан ҳам кўп” — Шоҳрух Ғиёсов ИИВнинг медиамакондаги фаолияти ҳақида гапирди
Маҳаллий
Тошкентда йўловчи автобус ёниб кетди