Бугун,

  • USD 11095.31
  • RUB 173.84
  • EUR 10772.44

АҚШ Давлат департаменти Финляндияга 323,3 миллион долларлик қурол сотишни маъқуллади, Пентагоннинг Мудофаа хавфсизлиги бўйича ҳамкорлик агентлиги қарор ҳақида Конгрессни хабардор қилди, дейилади Мудофаа вазирлиги сайтида.

Фото: Getty Images

Фото: Getty Images

Гап Финляндияга 40 та тактик ракеталар ва тўртта АИМ 9Х Block II бошқарув мосламалари, шунингдек, 48 та АGM-154 Joint Станд Офф Wеапонс бошқариладиган бомбалар ва тегишли жиҳозларни етказиб бериш ҳақида бормоқда.

АҚШ президенти маъмурияти ушбу битимни Қўшма Штатлар ва унинг ишончли ҳамкори Финляндиянинг миллий хавфсизлигини таъминлаш учун «ўта зарур» деб атади. Бунинг ортидан Финляндия «ҳаво-ҳаво» ва «ҳаво-ер» синфидаги қуролларини яхшилайди.

Май ойида Финляндия Швеция билан биргаликда НАТОга аъзо бўлиш учун ариза берган ва ўз қарорини Украинада ҳарбий ҳаракатларнинг бошланиши билан боғлаган. Туркия ва Венгрия бу қарорга қарши чиқди: Анқара, хусусан, иккала номзод давлатни терроризмга ёрдам беришда айблади. Якунда томонлар Хелсинки ва Стокгольм «Курдистон ишчилар партияси» аъзоларини Туркияга экстрадиция қилиши ва курд тузилмалари билан боғлиқ барча ташкилотларни ёпиши назарда тутилган келишувга эришди.

Кейинчалик Венгрия бош вазири Виктор Орбан янги номзодларни қўллаб-қувватлашга ваъда берди, бироқ Туркия ташқи ишлар вазири Мевлут Чавшўғли Швеция ва Финляндияга қарши қолган даъволарини эълон қилди. «Улар экстрадиция ва қонуний низомларга оид умидларни оқламади», — деб тушунтирди у.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов