Бугун,

  • USD 11095.31
  • RUB 173.84
  • EUR 10772.44

Якунланган ҳафтада Ўзбекистондаги вазирликлардан бирининг буюртмаси асосида 8,4 миллиард сўмга янги сайт яратилгани-ю, қашқадарёлик ота-ўғилнинг уйидан қочган аёлни ўғирлаши, шунингдек сотувга қўйилган онкология касалликлари ўрнидаги янги комплекс қурилиши ёпиқ қарор асосида тадбиркорга бериб юборилгани жамоатчилик эътиборини тортди. «Дарё» ҳафтанинг энг шов-шувли воқеаларини эсга олишда давом этади.

Иқтисодий тараққиёт ва камбағалликни қисқартириш вазирлиги ҳузуридаги агентлик 8,4 миллиард сўм сарфлаб, янги сайт яратди.

Фото: Скриншот
«Дарё» мазкур ҳолатга аниқлик киритиш мақсадида 8,4 миллиард сўмга эга чиққан Realsoft МЧЖ масъуллари билан суҳбатлашди.
Бу шунчаки ахборот берувчи сайт эмас. Бу — катта платформа. Мазкур платформани яратишда 45 нафар мутахассис олти ой давомида меҳнат қилган. Айни кунда ҳам платформадаги камчиликларни бартараф этиш, тўлдириш ишлари давом этмоқда, — деди мазкур МЧЖ директори ўринбосари Ҳаётбек Насруллаев.
Ҳаётбек Насруллаевнинг қўшимча қилишича, бу платформани яратиш ҳақида президент қарорида ҳам сўз борган.
Иқтисодий тараққиёт ва камбағалликни қисқартириш вазирлиги, агентлик, Ахборот технологиялари ва коммуникацияларини ривожлантириш вазирлиги билан биргаликда бир ой муддатда ҳоким ёрдамчилари фаолиятини самарали ташкил этиш ва баҳолаб бориш имконини берувчи ҳамда тегишли вазирлик ҳамда идоралар маълумотлар базалари билан интеграция қилинган «Онлайн маҳалла» электрон платформасини ишга тушириш кераклиги ҳақида топшириқ берилган, — дейди у.

Фото: Скриншот

МЧЖ масъулининг айтишича, улар бу меҳнати учун айни пайтда айтилаётган 8,4 миллиард сўмдан ҳам катта маблағ сўраган. Аммо вазирлик масъуллари шуни тасдиқлашган.

Ахборот берувчи сайтларга кўпи билан 200—300 миллион сўм берсангиз, керагидан ортиқ тўлаган бўласиз. Мисол учун, «Менинг фикрим» портали эсингиздами? Шу платформа яратилишига ва бир неча йиллик техник ёрдам учун 2 миллиард сўм ажратилган эди. Лекин бу платформанинг вазифалари жуда кўп. Платформа оддий ахборот берувчи сайтлардек эмас, — деганди бу мавзу ҳақида фикр билдирган мутахассислардан бири.
Мазкур ҳафтада шунингдек, қашқадарёлик ота-ўғилнинг уйидан қочган аёлни мажбурий тарзда уйига қайтаришга уриниши кўпчиликни сергаклантирди. Тошкентдаги камераларнинг бирига тушиб қолган видеони кўрган жамоатчилик дастлаб, Тошкентда икки эркак кўчада кетаётган қизни куч ишлатиб, машинага ўтказиб олиб кетди, деган тушунчага борди. Кейинчалик аёлни мажбуран машинага ўтқазиб, олиб кетган фуқаролар унинг эри ва қайнотаси экани маълум бўлди.

Фото: Тошкент шаҳар Ички ишлар бош бошқармаси

Ҳодиса 2022 йилнинг 24 ноябрь куни Учтепа тумани 22-мавзедаги кўп қаватли уйлар олдида содир бўлган. 1992 йилда туғилган эркак отаси билан бирга Tracker автомашинасига 22 ёшли турмуш ўртоғини ўтқазиб, номаълум томонга олиб кетган. Олиб борилган тезкор суриштирув ишлари натижасида аёл қонуний турмуш ўртоғи билан оилавий келишмовчилиги сабабли бир нафар фарзандини турмуш ўртоғида қолдириб, уйдан чиқиб, Тошкент шаҳрига кетиб қолган. Уни турмуш ўртоғи қидириб, юқоридаги манзилдан топган ҳамда Қашқадарё вилояти Косон туманидаги ўзининг уйига олиб борган.

Ҳолат юзасидан Учтепа тумани ИИО ФМБ тергов бўлими томонидан эр ва қайнотага нисбатан Жиноят кодексининг 137-моддаси (одам ўғирлаш) аломатлари билан жиноят иши қўзғатилди. Тергов ҳаракатлари олиб борилмоқда. Шундан сўнг эри ва қайнотаси томонидан мажбуран машинада олиб кетилган аёлга ҳимоя ордери берилди.

Фото: Косон тумани ҳокимлиги матбуот хизмати

Якунланаётган ҳафтада Республика Онкология маркази ҳамда унинг пойтахт ва Тошкент вилоятидаги филиалларини ягона уникал комплексга бирлаштириб, янги бино қуриш ишлари Вазирлар Маҳкамасининг ёпиқ қарори асосида Mimar Group масъулияти чекланган жамиятига берилгани маълум бўлди. Бу ҳақда Соғлиқни сақлаш вазири ўринбосари Амрилло Иноятов мазкур масала юзасидан бўлиб ўтган пресс-турда маълум қилган.

Амрилло Иноятов.

Амрилло Иноятов.
Фото: «Дарё

Соғлиқни сақлаш вазирлиги аввалроқ комплекс бино 8 қаватдан иборат бўлиб, 650 ўрин стационар ва 100 ўрин кундузги стационар даволанувчилар учун мўлжалланганини билдирганди.

«Дарё» мухбирининг аниқлаштиришича, мазкур комплекс қурилишига 600 миллиард сўм сарфланиши айтилмоқда. Аввалроқ вазирлик Онкология тизимини, жумладан, ушбу комплексни замонавий технологиялар билан жиҳозлашга 80 миллион доллар маблағ ажратилаётганини очиқлаганди.

Фото: «Дарё» / Мадина Нурман

Янги онкология маркази қурилиши бўйича ижтимоий тармоқдаги хабарларга Давлат активларини бошқариш агентлиги ҳам муносабат билдирганди.

Агентлик хабарларда келтирилган объектларнинг ер майдони 3-4 минг долларлик бошланғич баҳода сотувга қўйилган деган важларни мутлақо асоссиз деди ва ушбу мулкий мажмуалар қонунчиликда белгиланган тартибда мустақил баҳоловчи ташкилотлар томонидан баҳоланганини билдирди.

Ушбу баҳолаш ҳисоботлари юзасидан эксперт хулосалар олинган бўлиб, объектларнинг тегишлилиги бўйича 1 сотих ер майдонининг бошланғич баҳоси 300-345 млн сўм (27-31 минг доллар)га тенг келмоқда. Онкология марказининг янги барпо этилаётган ягона уникал комплекси 2023 йилнинг май ойида ишга туширилиши кутилмоқда.

Фотоколлаж: «Дарё»

Ушбу ҳафтада шунингдек жойларда фаолият юритувчи ҳокимлар ва бошқарма бошлиқлари ҳарбий кийимларда кўриниш берди. «Дарё» нашрининг Қорақалпоғистондаги мухбири ҳарбий кийимлардаги ҳокимлар суратини тўплади ва раҳбарларнинг ҳарбий хизматидан репортаж тайёрлади.

Изоҳ
Асосий янгиликлар
Спорт
Энтони Жошуанинг навбатдаги рақиби ва жанги санаси маълум бўлди
Иқтисодиёт
Uzbekistan Airways Нью-Йоркка парвозлар учун 20 фоизлик чегирма эълон қилди
Иқтисодиёт
Ўзбекистонда 2023 йилда инфляция 8,5—9,5 фоиз атрофида бўлиши кутилмоқда