Туркияда юз берган кучли зилзила оқибатида камида 50 киши жабрланди, уларнинг баъзилари оғир аҳволда. Бу ҳақда Anadolu агентлиги Туркия соғлиқни сақлаш вазири Фахриддин Кожага таяниб хабар бермоқда.
Туркия ИИВ раҳбари Сулаймон Сойлу ҳалок бўлганлар ҳақида ҳозирча хабарлар келиб тушмаганини айтди. Шунингдек, ер силкиниши натижасида катта кўламли вайронагарчиликлар ҳақида ҳам маълумотлар йўқ.
Болу вилояти губернатори Эркан Қилич жабрланганларнинг баъзилари зилзила вақтида саросимага тушиб, балконлардан ташқарига сакраганини маълум қилди.
5,9 магнитудали зилзила 23 ноябрь куни эрталаб 4:08 (Тошкент вақти билан 6:08) да юз берди, унинг эпимаркази мамлакат шимоли-ғарбий қисмидаги Дузже шаҳридан 18 км масофада жойлашди. Ер силкинишлари Истанбул, Анқара, Болу ва яна бир нечта шаҳарларда ҳам сезилган. Зилзила ўчоғи 6,81 км чуқурликда бўлган. Ер силкинишидан кейин камида 101 та афтершоклар қайд этилган.
Изоҳ (0)