Хитойнинг Чженчжоу шаҳридаги Foxconn заводида «катта кўламли норозиликлар» бошланди. Бу ҳақда AFP ва Reuters хабар бермоқда. Бу iPhone смартфонларини ишлаб чиқариш бўйича дунёдаги энг йирик корхонадир.
Агентликлар Twitter ва Хитойнинг Weibo микроблоклар тармоғида тарқалаётган кузатув камералари кадрларига таянмоқда. Видеода «ишчиларнинг катта гуруҳи» акс этган, уларнинг тахминий сони келтирилмаяпти. Улар Foxconn кампуси биносида кузатув камералари ва деразаларни таёқлар билан урган. Воқеа жойига полиция етиб келган.
Bloomberg юзлаб ишчилар ётоқхона биносидан чиқиб келгани ва хавфсизлик ходимлари билан тўқнашгани ҳақида ёзмоқда.
Violent #protests erupt at #Apple's Main #iPhone Plant ( #Foxconn ) in #China ......Staff clash with security as tensions boil over in #Zhengzhou pic.twitter.com/xUjvhSz5sX
— Smriti Sharma (@SmritiSharma_) November 23, 2022
Хитой ҳукумати воқеа юзасидан расмий изоҳ берганича йўқ.
Ноябрь бошида Apple коронавирус чекловлари туфайли, Чженчжоудаги Foxconn заводи «анча паст маҳсулдорлик билан ишлаётгани»ни маълум қилганди. Хитой ҳукумати сентябрдаёқ Чженчжоунинг аҳоли энг зич жойлашган туманларидан бирида қатъий чекловлар киритилганини, Foxconn заводида эса санитария чекловлари жорий этилганини эълон қилганди. Бу ишчиларнинг норозилигига сабаб бўлган, уларнинг баъзилари корхонани тарк этган. Reuters хабарига кўра, заводда ишлаб чиқариш кўрсаткичлари ноябрь якунларига кўра 30 фоизга қисқариши мумкин.
Изоҳ (0)