Kino olamiga ilk qadamlarini qo‘ygan yosh aktyorlar odatda rejissorlar va suratga olish guruhining ko‘rsatmalariga so‘zsiz amal qiladi. Ammo tomoshabinlar e’tirofiga erishganidan so‘ng kino yulduzlari qahramon va umuman film haqidagi tasavvurlarini himoya qilib, qaysarlik qilishi ham mumkin.
Piter Dinkleyj — “Taxtlar o‘yini
Mashhur teleserialda Tayvin Lannisterning kenja o‘g‘li Tirion uzun soqolli odam sifatida tasvirlangan. Ammo Piter Dinkleyj “Narniya yilnomalari” filmida xuddi shunday qiyofada suratga tushgandi va obrazlari o‘xshab qolishidan qo‘rqib, ijodkorlardan qahramoni soqolsiz bo‘lishini so‘raydi.
Prodyuserlar aktyorning iltimosini qabul qilishadi. Tirion Lannister esa serialning eng yorqin qahramonlaridan biriga aylanadi.
Margo Robbi — “Tarzan. Afsona”
2016-yilda Margo Tarzanning Jeyn ismli sevgilisi qiyofasida paydo bo‘ladi. Rol uchun aktrisadan bir necha kilogramm yo‘qotish so‘ralgan. Ammo u juda ozg‘in qahramon o‘sha davr ruhiga to‘g‘ri kelmaydi deb hisoblaydi, chunki voqea 19-asrda go‘zallikning boshqa me'yorlari hukmronlik qilgan paytda sodir bo‘ladi.
Keyinchalik Robbi rad etishining yana bir sababi suratga olish ishlari Britaniyada bo‘lib o‘tgani va u o‘zini mahalliy gastronomik lazzatlardan bosh torta olmasligini tan oladi.
Daniel Kreyg — Jeyms Bond haqidagi filmlar
2021-yilda Deniel Kreyg Bond roli bilan rasman xayrlashdi, ammo agent 007 o‘z hamon franshiza muxlislari orasida qizg‘in munozaralarga sabab bo‘lmoqda. Xususan, aktyorning soch rangi ko‘pchilikni chalg‘itadi. Kreyggacha Bond rolini ijro etgan barcha aktyorlar qorasoch edi. Ammo Deniel sochlarini bo‘yashdan bosh tortadi. Buning o‘rniga, u sochlarini yanayam kaltalatishni taklif qiladi.
Jin Xekman — “Supermen”
Jin Xekman sochini kalga olishni xohlamaydi. 1978-yilda suratga olingan “Supermen” filmidagi antagonist Leks Lyutor roli uchun aktyordan sochini olish so‘ralgan, biroq Jin qat’iy rad etadi. Film mualliflari Xekman qahramoni soch parik kiyadi, degan taassurot yaratishga qaror qiladi va film davomida aktyorning sochini turlicha uslubda turmaklashadi. Xekman faqat bitta sahnada kal bo‘lib bo‘ladi, lekin shunda ham sochini oldirmagan: vizajistlar tomonidan grim qilingan.
Kirsten Danst — “O‘rgimchak odam” va “O‘lim vasvasasi”
“O‘rgimchak odam” prodyuserlaridan biri Kirsten Danst roli uchun go‘zal tabassum kerakligini aytadi. Ammo aktrisa nomukammal tishlarini tuzatish haqida o‘ylamasdi ham. Natijada film posterida tabassum tahrir qilinadi, kadrda esa aktrisa o‘zining tabiiy ko‘rinishida qoladi.
Bu Kirstenning rejissorlarga qarshi chiqqan yagona qaysarligi emasdi. “O‘lim vasvasasi” dramasini suratga olishdan oldin film rejissori va Danstning yaqin do‘sti Sofiya Koppola undan roli uchun ozishini so‘raydi.
Bunga javoban aktrisa keskin rad javobini beradi. Kirsten mashg‘ulotni yomon ko‘rishini va suratga olishdan oldin qovurilgan tovuq iste’mol qilishni yaxshi ko‘rishini tan oladi.
Sara Jessika Parker – “Hurlar”
Aktyorlar uchun soch rangini o‘zgartirish odatiy hol va ular odatda bunga rozi bo‘lishadi. Shunday bo‘lsa-da, oddiy ko‘ringan iltimos sabab Sara Jessika Parkerni karyerasidagi eng mashhur rollardan birini qo‘ldan chiqarishiga sal qoladi. 18 yoshli aktrisaga “Hurlar” musiqiy filmida o‘ynash taklif qilindi, ammo buning uchun unga sochlarini mallaga bo‘yash va kesish talabi qo‘yiladi.
Aktrisa sochlarini shikastlamaslik uchun bu taklifni rad etadi. Rol Treysi Nelsonga beriladi, lekin u o‘ynay olmaydi. Natijada prodyuserlar Parkerning shartini qabul qilishga majbur bo‘lishadi. O‘rta maktab o‘quvchisi Rasti roli Sara uchun olamshumul mashhurlik olib keladi.
Mavzuga doir:
Izoh (0)