Словакиянинг Братислава шаҳрида теннис бўйича ITF W60 мусобақасида вице-чемпионликка эришган мамлакатимизнинг биринчи ракеткачиси Нигина Абдураимова Братиславада 14—20 ноябрь кунлари ўтган турнирда муносиб натижага эришди.
Айтиш лозим, мукофот жамғармаси 60 минг доллардан иборат мазкур турнирда 50 га яқин мамлакатнинг 491 нафар ракетка усталари иштирок этди. Турнирнинг саралаш баҳсларида Украина, Словакия, Венгрия, Чехия каби мамлакат вакилларини мағлуб этган Абдураимова бош соврин учун курашда хорватиялик Ана Конюхга рўбарў келди.
Шиддатли ва мураккаб кечган финал баҳсида ҳамюртимиз Нигина Абдураимова рақибасини 6/2, 0/6, 6/7(2) ҳисобида мағлуб этиб, турнир вице-чемпионига айланди.
Энди у Испаниянинг Валенсия шаҳрида мукофот жамғармаси 80 минг АҚШ долларидан иборат бўлган турнирда ватанимиз шарафини ҳимоя қилади.
Жаҳоннинг энг нуфузли теннис мусобақаларида қатнашиб келаётган Нигина Абдураимова бугунги кунда Халқаро аёллар тенниси WTA рейтингида 162-ўринда бормоқда.
Бугун, 21 ноябрь куни Нигина Абдураимова аёллар ўртасида ўтказиладиган нуфузли мусобақада қатнашиш учун Испаниянинг Валенсия шаҳрига етиб борди.
Дунёнинг 375 нафар ракетка усталари қатнашаётган мазкур мусобақада Нигина Абдураимова билан биргаликда яна бир теннисчи қизимиз Севинч Юлдошева ҳам баҳсларда иштирок этади.
Испаниянинг Валенсия шаҳрида бошланаётган ушбу турнир 27 ноябрга қадар давом этади.
Мамлакатимизда теннисни ривожлантиришда Ўзбекистон Теннис федерацияси «Ўзмиллийбанк» АЖ томонидан қўллаб-қувватланаётгани муҳим аҳамият касб этмоқда. Теннисчиларимизнинг турли халқаро турнирларда эришаётган ютуқлари ана шундай ҳамкорлик самарасидир.
Реклама ҳуқуқи асосида.
Изоҳ (0)