UzAuto Motors МДҲ давлатлари орасида энг йирик автомобиль ишлаб чиқарувчи компания бўлиб, минтақада ўз лидерлик статусини тасдиқлади.
Бугун автозавод конвееридан 280 000 (икки юз саксон мингинчи) автомобиль чиқди. Шундай қилиб, заводнинг 2020 йилдаги тарихий йиллик рекордига эришилди.
Эслатиб ўтамиз, 2022 йилнинг биринчи ярим йиллигида UzAuto Motors линиядан 160 минг дона автомобиль ишлаб чиқариб, аллақачон ишлаб чиқариш рекордини янгилаган эди.
Навбатдаги эришилган рекорд UzAuto Motors заводининг ишлаб чиқариш майдонида тантанали равишда нишонланди. Унда компаниянинг бутун жамоаси иштирок этди.
«Узавтосаноат» АЖ бошқарув раиси Шавкат Умурзаков йиғилган ишчи ва ходимлар олдидаги чиқишида бутун жамоа олдига қўйилган мақсадга эришишда ҳар бир ходимнинг қўшган ҳиссаси учун миннатдорчилик билдирди. Шунингдек, жорий йилда компания нафақат автомобилни рекорд даража ишлаб чиқарди, балки General Motors билан 2023 йилда автомобиль ишлаб чиқариш қувватини 500 минг донага, узоқ муддатли истиқболда 1 миллион донагача ошириш бўйича келишувга эришганини таъкидлаб ўтди.
Шавкат Умурзаков, шунингдек, Chevrolet Tracker автомобили ишлаб чиқарилишини муваффақиятли йўлга қўйишда барча ходимларнинг ҳиссаси борлигини, бунинг натижасида глобал инқироз даврида рекорд натижаларга эришилганини ҳам таъкидлади.
Компания ўз заводларида янги GM GEM платформасида автомобиллар ишлаб чиқаришга 620 миллион доллар сармоя киритди, бунинг асосида 2023 йил бошида Chevrolet Onix ҳам ишлаб чиқарилади.
Рекордлардан ташқари, жорий йилда UzAuto Motors ишлаб чиқарилган автомобиллар сонининг юбилей натижасини қайд этди – 5 ноябрь куни завод конвееридан тўрт миллионинчи автомобиль чиқди.
Реклама ҳуқуқи асосида.
Изоҳ (2)
Daryo ijodkorlari shu kompaniyaniham reklama qilasizlarmi uyate
Sizlar odamlarni ahmoq qilish bo'yich, bir yil kuttirish bo'yicha, narxni ko'tarish bo'yicha rekord qo'ygansizlar