Ўзбекистонда банан импорти 2022 йилнинг январь—октябрь ойларида 53,3 минг тоннага ошган. Бу ҳақда Давлат статистика қўмитаси матбуот хизмати хабар бермоқда.
Йил бошидан бери Ўзбекистонга 112,3 минг тонна банан импорт қилинган. Банан импорти ўтган йилга қараганда деярли икки баробар кўпайган.
Ўзбекистон деярли барча бананларни Эквадордан олиб келмоқда — 102,5 минг тонна. Сентябрь ойининг ўзида 27 минг тонна банан ушбу давлатдан Ўзбекистонга келтирилган эди. Октябрда бу кўрсаткич 7,9 тоннани ташкил қилди.
Январь—октябрь ойларида Эквадордан ташқари Ўзбекистонга банан Қозоғистон (426 тонна), Туркия (197 тонна) ва Ҳиндистондан (144 тонна) импорт қилинган.
Бироқ Ўзбекистон тўрт ойдан бери бананни фақат Эквадордан сотиб олмоқда. Охирги марта банан бошқа мамлакатлардан июнь ойида импорт қилинган эди.
Мавзуга доир:
- Ўзбекистонда 23 турдаги асосий озиқ-овқат маҳсулотлари учун бекор қилинган импорт божи муддати узайтирилди
- Уммон компанияси Ўзбекистондан қуритилган мевалар импортини оширади
- Қашшоқ мамлакатлар учун энг қийин вазият: глобал озиқ-овқат импорти харажатлари йил охиригача ошиши прогноз қилинди. Ўзбекистонда вазият қандай?
Изоҳ (0)