Футбол бўйича Англия Премер Лигасининг 16-турида «Манчестер Юнайтед» 13 ноябрь, якшанба куни «Фулҳэм» майдонида меҳмон бўлди.
Учрашувнинг 14-дақиқасида Кристиан Эриксен меҳмонларни ҳисобда олдинга олиб чиқди. 61-дақиқада Дэниэл Жеймс собиқ жамоаси дарвозасини ишғол қилиб, мувозанатни тиклади.
Барчаси дуранг томон кетаётган пайтда «Манчестер Юнайтед»нинг 18 ёшли футболчиси Алехандро Гарначо тўп киритиб, жамоасига ғалаба келтирди.
Ушбу ғалаба эвазига «Манчестер Юнайтед» очколарини 26 тага етказиб, бешинчи ўринга кўтарилди.
Шу тариқа Премер Лигаси ўйинлари декабрь ойи сўнгига қадар танаффусга чиқди. Мусобақа жадвали қуйидаги кўринишни олган:
АПЛ
16-тур баҳслари
13 ноябрь, якшанба
«Фулҳэм» – «Манчестер Юнайтед» 1:2
Голлар: 0:1 – 14 Эриксен, 1:1 – 61 Джеймс, 1:2 – 90+3 Гарначо.«Фулҳэм»: Лено, Рим, Диоп, Robinson, Керни (Онома, 90), Уилсон (Жеймс, 59), Перейра, Палиня, Декордова-Рид, Виллиан, Винисиус.
«Манчестер Юнайтед»: Де Хеа, Маласиа, Линдельоф, Мартинес, Шоу, Эриксен, Каземиро, Бруну Фернандеш, Марсьяль (Гарначо, 72), Рэшфорд, Эланга (Мактоминей, 55).
Огоҳлантиришлар: Декордова-Рид (33), Гарначо (90+4).
Изоҳ (0)