Ўзбекистон либерал демократик партияси пресс клубида Йўл ҳаракати хавфсизлиги муаммоларини ўрганиш маркази бошлиғи Машраб Раззоқов январь—сентябрь ойларида юз берган йўл-транспорт ҳодисалари бўйича маълумот берди.
Қайд этилишича, 2022 йилнинг 9 ойида республика бўйича 6449 та ЙТҲ содир бўлган. Уларнинг 1494 таси ўлим билан якунланган. ЙТҲларнинг сабаблари ўрганилганда энг кўп ҳолатга йўл инфратузилмаси тўғри ташкил этилмагани сабаб бўлгани аниқланган. Тўқнашувларнинг 49,3 фоизи айнан йўл инфратузилмасидаги муаммолар туфайли юзага келган.
ЙТҲларнинг:
- 884 таси пиёдалар ўтиш жойлари ташкил этилмагани;
- 552 таси велойўлаклар йўқлиги;
- 509 таси йўлни иккига ажратувчи тўсиқлар ўрнатилмагани;
- 381 таси йўллар ёритилмагани;
- 381 таси пиёдалар ҳаракатини чекловчи панжаралар йўқлиги;
- 284 та йўлнинг транспорт оқимига мослаштирилмагани;
- 109 таси йўл қопламаси ҳўл ёки музлама бўлгани сабаб содир этилган.
Изоҳ (0)