Бухорода ҳокимлик захирасидаги ерни 13 минг долларга сотмоқчи бўлган шахс қўлга тушди

Бухоро туманида захирадаги ер майдонини сотмоқчи бўлган фирибгар ушланди. Бу ҳақда Иқтисодий жиноятларга қарши курашиш департаменти хабар қилди.

Қайд этилишича, Бош прокуратура ҳузуридаги департаментнинг Бухоро вилоят бошқармаси томонидан ИИБ ходимлари билан ҳамкорликда  тезкор тадбир ўтказилган. Унда фуқаро А.А. Бухоро тумани «Новметан» МФЙ ҳудудидаги туман ҳокимлиги захирасидаги 20 сотих ер майдонини фуқаро Р.га ўзиники эканини айтиб, ушбу ер майдонини 13 000 долларга сотишга келишгани аниқланган. У олдиндан 80 миллион сўмни олган вақтида ашёвий далиллар билан қўлга олинган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари ўтказилмоқда.