Россия Қозоғистонни Ўзбекистон ғалла бозоридан сиқиб чиқармоқчи
Россия Тожикистон ва Ўзбекистон ҳамда Марказий Осиёнинг бошқа мамлакатларига дон етказиб беришни сезиларли даражада кенгайтирмоқчи эканини айтди. Бу ҳақда Россия дон экспортчилари иттифоқи раҳбари Эдуард Зернин Каспий ва Марказий Осиё дон форумида айтиб ўтди.
Қайд этилишича, ҳозирда Ўзбекистон ва Тожикистонга етказиб берилаётган доннинг 90 фоизи Қозоғистон ҳиссасига тўғри келиши ва яқин йилларда минтақа мамлакатларида туғилиш даражаси юқори бўлганлиги сабабли ушбу маҳсулотларга бўлган талаб ошиб бориши маълум бўлган.
Аммо энди Қозоғистон бу борада Россия билан рақобатлашишига тўғри келади. Бунинг учун эса, биринчи навбатда, инфратузилмани зудлик билан модернизация қилиш зарур.
Ҳозирги вақтда темир йўл тармоғи Хитойдан Европага товарлар етказиб бериш ҳажмининг ўсиши туфайли кескин ортган юкни кўтара олмайди.
