Фарғона вилояти Марғилон шаҳрида ходимларнинг қонуний талабига бўйсунмаган шахслар маъмурий жавобгарликка тортилди. Бу ҳақда вилоят ички ишлар бошқармаси ахборот хизмати хабар берди.
Маълум қилинишича, 17 октябрь куни соат 18:30 да шаҳарнинг Б.Марғиноний кўчасида 3 нафар шахс маст ҳолатда жамоат тартибини бузиб, бақир-чақир қилаётгани юзасидан хабар келиб тушган.
Мазкур хабар асосида ҳодиса жойига етиб борган ППХ ҳамда профилактика инспекторига тартиббузарлар М.Ш., И.М. ҳамда М.И. фаол қаршилик кўрсатиб, қонуний талабига бўйсунмай, жамоат тартибини бузган. Ҳозирда ҳолат юзасидан юқоридаги шахсларга нисбатан Маъмурий жавобгарлик тўғрисидаги кодекснинг 183, 194-моддалари билан ҳужжатлар расмийлаштирилиб, суд органларига тақдим қилиш чоралари кўрилмоқда.
Изоҳ (0)