Qashqadaryoda Nexia urib yuborishi oqibatida Damas boshqa Nexia bilan to‘qnashdi

Qashqadaryoda Damas va ikkita Nexia ishtirokida YTH yuz berdi. Bu haqda viloyat IIB matbuot xizmati xabar qildi.

Qayd etilishicha, 16-oktabr kuni soat taxminan 21:15 larda haydovchi R.O‘. Damas’ni A-380 G‘uzor—Buxoro—Nukus—Beynau avtomobil yo‘li G‘uzor—Qarshi yo‘nalishining 9 kilometriga kelib, orqaga qayrilib olish belgilanmagan joydan avtomobili bilan to‘satdan orqaga qayrilganda, G‘uzor tumani IIB xodimi X.B. xizmatdan tashqari, hushyor holdatda boshqaruvida bo‘lgan Nexia-3 bilan harakatlanib kelib, o‘zidan oldinda harakatlanib borayotgan Damas orqa tomonidan urib yuborgan.

Natijada Damas haydovchisi R.O‘. boshqaruvni yo‘qotib yo‘lning qarama-qarshi yo‘nalishiga chiqib ketib, o‘zini yo‘nalishidan harakatlanib kelayotgan haydovchi Y.Q. boshqaruvida bo‘lgan Nexia-1 bilan to‘qnashgan.

YTH oqibatida Damas’da yo‘lovchi sifatida ketayotgan fuqaro T.S. shifoxonaga olib borilib, stotsionar tibbiy ko‘rikdan o‘tkazilgan.

Hozirda mazkur holat yuzasidan G‘uzor tumani prokuraturasi tomonidan tergovga qadar tekshiruv o‘tkazilmoqda.

Mavzuga doir:

• Andijonda Lacetti yo‘lda qayrilib olayotgan traktorga borib urildi
• Namanganda Lacetti “Moskvich” va Spark’ga borib urildi
• Samarqandda Matiz katta tezlikda “ZIL”ga borib urildi. Haydovchi vafot etgan