Nukusdagi shaxmat musobaqasi g‘oliblariga mayka va futbolka berilgani haqida xabar berilgandi. Holat ijtimoiy tarmoqlarda kulgi aralash muhokamalarni keltirib chiqargach, sovrindorlarga qo‘shimcha sovg‘alar berildi. Bu haqda “Daryo” muxbiri xabar berdi.
Vazirlik axborot xizmati rahbarining “Daryo”ga ma’lumot berishicha, 12-oktabr kuni Nukusdagi 38-maktabda “Yoshlik” jismoniy tarbiya va sport jamiyati Qoraqalpog‘iston bo‘limi tashabbusi bilan shaxmat bo‘yicha Qoraqalpog‘iston Respublikasi birinchiligi bo‘lib o‘tgan.
Rasmiylarning qo‘shimcha qilishicha, futbolka va maykalarga munosib ko‘rilgan g‘oliblarga ularning ota-onalari bilan uchrashuv tashkil etilib, qo‘shimcha tarzda elektr pechlar sovg‘a qilingan.
Qoraqalpog‘iston xalq ta’limi vazirligi axborot xizmati rahbari Taxir Dauletmuratovning aniqlik kiritishicha, sovg‘alar 36 nafar o‘quvchi va 6 nafar o‘qituvchiga berilgan. Barcha mablag‘ vazirlik hisobidan amalga oshirilgan.
Izoh (1)
Hayt o‘tganidan keyin Hinani..... qo‘y deyishgan dono xalqimiz