Тошкентда халқаро бизнес саммити бўлиб ўтди

7 октябрь куни Тошкент шаҳрида «Ипак йўлидаги корпоратив бошқарув» Директорларининг биринчи халқаро бизнес саммити старт олди.

Ушбу саммитда бизнес, минтақадаги корпоратив бошқарув ҳамда директорлар кенгашларидаги ҳолат ва тенденцияларнинг талабини ўрганиш кўзда тутилган.

Тадбир ташкилотчилари:

• Ипак йўли кенгаши ва бошқарув институти (SR BGI),
• Ўзбекистондаги KPMG компанияси,
• Халқаро Молия корпорацияси (IFC),
• Профессионал директорлар уюшмаси (ADI),
• TEAM университети.

Саммит қатнашувчисиниг айтишича, бундай халқаро бизнес саммитининг Тошкентда ташкил этилиши тадбиркорлар учун катта имкониятлар эшигини очади.

Бугунги саммит Ўзбекистоннинг барча етакчи компаниялари раҳбарларининг юқори бошқарув даражасида тўпланишига яхши сабаб. Ишончим комилки, бу ерда кўплаб нетворкинг ва янги бизнес алоқалари ўрнатилади. Буларнинг барчаси бизнес юритишда шериклик истиқболларига янада ижобий таъсир қилади, — дейди First Development Group Маркетинг бўлими бошқарувчиси Гўзал Қодирова.

Шунингдек, саммитда давлат ва хусусий бизнес даражасида корпоратив бошқарув амалиётини шакллантиришнинг стратегик жиҳатлари муҳокама қилинди.

Ташкилотчилар Марказий Осиё ва Кавказ минтақаси мамлакатлари иқтисодиётлари юксалган даврда давлат ва хусусий компанияларда корпоратив бошқарув халқаро трендлар, иқтисодий ландшафт ва бозор конюнктурасини ҳисобга олган ҳолда ривожланиши кераклигига ишонч билдиришди.

«Бугунги кунда корпоратив бошқарув бизнесни барқарор ривожлантириш ва инвестиция қарорларини қабул қилишнинг асосий омилларидан биридир. Шу нуқтаи назардан, KPMG халқаро ташкилоти, кўп йиллик амалий тажриба ва ўзининг кенг услубий базасининг мавжудлиги асосида Марказий Осиё ва Кавказда энг яхши амалиётнинг етакчи стандартларини жорий этишга ёрдам беради.

Биз муваффақиятли амалга оширган лойиҳалар қаторига йирик ташкилотларда, шу жумладан трансформация босқичидан ўтаётган давлат ва корхоналарида корпоратив бошқарувни амалга ошириш киради.

Жамият олдида масъул бўлган компания сифатида биз ўз тажрибамиз ва билимларимизни баҳам кўришдан ва Ипак йўлидаги корпоратив бошқарув директорларининг биринчи халқаро бизнес саммити каби муҳим тадбирни биргаликда ташкил этишдан мамнунмиз», — деди KPMG компаниясининг Ўзбекистондаги бошқарувчи ҳамкори Нодирбек Воҳидов.

Асосий ялпи сессиянинг модераторлари сифатида: Ипак йўли кенгаши ва бошқарув институти асосчиси ва бош директори Александр Иконников, KPMG компаниясининг Ўзбекистондаги бошқарувчи ҳамкори Нодирбек Воҳидов, ESG IFC лойиҳаси раҳбари ва эксперти Адолат Абдуманапова, Ипак йўли кенгаши ва бошқарув институти маслаҳат кенгаши раиси Филип Гажин, TEAM Universiteti асосчиси Ҳикмат Абдураҳмонов ва корпоратив бошқарув соҳасидаги бошқа етакчи халқаро экспертлар иштирок этди.

Бундан ташқари, бугунги кунда корпоратив бошқарув бизнесни барқарор ривожлантириш ва инвестиция қарорларини қабул қилишнинг асосий омилларидан бири экани таъкидланди.

Қўшимча маълумот олиш учун қуйидаги шахсларга мурожаат қилишингиз мумкин:

Елена Тонконогая

Электрон почта: etonkonogaya@nand.ru

Тел.: +7 (991) 222 97 03

Моб.: +7 (916) 299 47 58

Абдурасул Юсупов

Электрон почта: абдурасул.yusupov@teamuni.uz

Тел.: +998 90 981 76 75

Маълумот шериклик ҳуқуқи асосида тайёрланди