Бугун,

  • USD 11095.31
  • RUB 173.84
  • EUR 10772.44

Олмалиқ кон металлургия комбинатида жадал суръатларда олиб борилаётган «Ёшлик-1 конини ўзлаштириш» инвестициявий лойиҳаси асосида ишлаб чиқариш қувватлари бир неча баробарга оширилиши кутилмоқда. Шу боис оширилган қувватларни маҳаллий технологик ускуналар, эҳтиёт ва бутловчи қисмлар билан тўлиқ таъминлаш учун комбинат таркибидаги Марказий таъмирлаш механика заводига замонавий технологик ускуналар олиб келинмоқда.

Хусусан, жорий йилнинг январь ойида мазкур заводнинг механик-йиғув цехининг кон-шахта ускуналари тайёрлаш участкасига Германия давлатидан Gleason P2000 тишли фрезер ускунаси олиб келиб ўрнатилди. Июнь ойида эса Gleason P8000 фойдаланишга топширилди. Шунингдек, участкага АХИОМ 900 токарлик винт кесувчи ускунаси ҳам ўрнатилди.

Янги ускуналарда август ойида 4 дона шестерня (Фабрикалардаги руда майдалаш тегирмонларининг асосий эҳтиёт қисми) каби маҳсулот ишлаб чиқарилишига эришилди. Ушбу маҳсулотлар Мис бойитиш фабрикаси ҳамда Рух заводига етказиб берилди. Ўрта Осиёда ягона бўлган бу ускуна 3 метрдан 8 метргача бўлган тегирмон чамбар (венец)ларининг тишини очиш имконига эга. Энг қулай томони маҳсулотни тезкорликда ва сифат юқори тарзда тайёрлаб беради.

Ушбу ускуналарнинг афзалликлари — улар тўлиқ автоматлаштирилган, маҳсулот ишлаб чиқаришдаги вақт сарфи ҳам тўрт бараварга камайган. Аҳамиятлиси, ушбу маҳсулотлар авваллари катта маблағ эвазига хориждан келтирилган бўлиб, маҳсулотнинг цехда ишлаб чиқарилиши натижасида ҳар бир вал шестирнясининг нархи 3 баравар арзонга тушмоқда.

Технологик ускуналарнинг ишлаш жараёни, созламалари онлайн тарзда кузатиб борилади.

2022 йилда Марказий таъмирлаш механика заводида 208 млрд сўмлик 97 хил турдаги маҳаллийлаштирилган маҳсулотлар ишлаб чиқариш кўзда тутилган.

Айни кунларда дастур доирасида 57 турдаги маҳсулотлар ишлаб чиқарилмоқда. Дастурга кўра, бир қатор янги маҳсулотларни ҳам ишлаб чиқариш ўзлаштирилган. Жумладан, БелАЗ автогигантлари учун ШСЛ шарнирли подшипниклар, модуль 28З43 тиш ботиқли вал шестернялари, КМД-2200 Т1 Д1М ҳамда КСД2200 Гр Д1М майдалаш ускуналарига зирҳлар ишлаб чиқарилмоқда.

Изоҳ
Асосий янгиликлар
Маслаҳатлар
Бир неча дақиқада ичида джинси кийимлардан ёғ доғларини тозалашга ёрдам берадиган усуллар
Маҳаллий
Сурхондарёда «Жигули» қўйлар подасини уриб юборди
Маҳаллий
«Биз учун ЖСТга қўшилиш мутлақ устувор вазифа» –  ташқи савдо вазири ўринбосари Бадриддин Обидов