Наманган вилоятида Cobalt трактор тиркамасига бориб урилишидан икки киши ҳалок бўлди. Бу ҳақда вилояти ЙҲХБ матбуот хизмат хабар берди.
1 октябрь куни соат 20:00 ларда, А-373 Тошкент—Ўш автомобиль йўлининг 293 километрида, Cobalt ҳайдовчиси Тошкент—водий йўналишида кетаётган вақтида ҳаракат хавфсизлигини таъминлай олмай, ўзидан олдинда ҳаракатланаётган тракторга бориб урилган.
Оқибатда Cobalt’да бўлган икки нафар йўловчилар, оғир тан жароҳати олиб, воқеа жойида вафот этган. Автомашина ҳайдовчиси ва икки нафар йўловчи тан жароҳати олиб шифохонага ётқизилган.
Қайд этилишича, ҳолат бўйича Поп туман ИИБ ТБ томонидан тергов қадар суриштирув ҳаракатлари олиб борилмоқда.
Айни вақтда Наманган вилояти миқёсида ЙҲХБ масъуллари томонидан трактор ҳайдовчилари ўртасида тушунтириш ишлари олиб борилиб, тунги вақтда ёритиш чироқлари ва нур қайтаргичлар соз ҳолда ҳаракатланиш бўйича қатъий назорат қилинмоқда.
Мазвуга доир: Жиззахда Cobalt тиркамага бориб урилиши оқибатида бир киши ҳалок бўлди
Изоҳ (0)