Пул йиғиш учун энг самарали техникалар маълум бўлди

Марказий банкнинг FinLit лойиҳаси пул жамғаришнинг 3 турдаги техникаси ҳақида маълумот берди.

«Ярим-ярим» техникаси — энг оддий усул. Пул жамғаришга тайёр бўлган, лекин ҳисоблашни истамайдиган одамлар учун қулай техника ҳисобланади.

Бунда маошнинг ярми жамғарма учун ажратиш ва шу пуллар унутиш, иккинчи ярмини эса кунлик харажатлар учун сарфлаш мумкин.

«60 фоиз техникаси» — молиявий маслаҳатчи Ричард Женкинс томонидан ихтиро қилинган, усулнинг моҳияти шундаки, даромаднинг 60 фоиз қисмини жорий харажатлар учун, қолган қисмини эса қуйидагича тақсимлаш зарур:

• 10 фоиз пенсия жамғармалари;
• 10 фоиз узоқ муддатли харидлар ва тўловлар;
• 10 фоиз режасиз харажатлар;
• 10 фоиз ҳар қандай ўйин-кулги.

«50—30—20» техникаси (Э. Уоррен) — ушбу техника бўйича қуйидаги учта йўналишни мувозанатда сақлаш зарур:

• Зарурият (даромаднинг 50 фоиз қисми): озиқ-овқат, коммунал хизматлар ва бошқалар;
• Истаклар (даромаднинг 30 фоиз қисми): китоблар, фильмлар, кафе ва бошқалар;
• Жамғарма (даромаднинг 20 фоиз қисми): 10 фоиз — молиявий ёстиқча, 10 фоиз — молиявий мақсадлар.

Аввалроқ пул тежашда йўл қўйиладиган хатолар ва уларнинг ечими ҳақида хабар берилганди.