Бугун,

  • USD 11095.31
  • RUB 173.84
  • EUR 10772.44

ДХР, ЛХР ҳамда Херсон ва Запорожье вилоятларининг Россия қўшинлари назорати остидаги қисмлари Россия таркибига кириши юридик кучга эга бўлмайди ва «таъналарга лойиқ бўлади», деди БМТ бош котиби Антониу Гутерриш.

Фото: «ТАСС»

Фото: «ТАСС»

Унинг сўзларига кўра, Россия БМТ Хавфсизлик кенгашининг бешта доимий аъзоларидан бири сифатида ушбу ташкилот «уставига риоя қилиниши юзасидан алоҳида масъулиятга эга». «Бир давлат ҳудудининг куч билан таҳдид қилиш ёки куч ишлатиш натижасида бошқа давлат томонидан босиб олиниши БМТ Устави ва халқаро ҳуқуқ тамойилларининг бузилиши ҳисобланади», — деди Гутерриш.

Унинг таъкидлашича, БМТ бўлиб ўтган референдумларга нисбатан қатъий позицияни эгаллаган. «Биз Украинанинг халқаро тан олинган чегаралари доирасида ва БМТ резолюцияларига мувофиқ, унинг суверенитети, бирдамлиги, мустақиллиги ва ҳудудий яхлитлигини тўлиқ қўллаб-қувватлаймиз», — деди бош котиб.

Унинг қўшимча қилишича, Украинанинг қўлдан бой берилган ҳудудларидаги референдумлар «давом этаётган қуролли низо шароитида» ҳамда «Украина ҳуқуқий ва конституциявий майдонидан ташқарида» ўтказилган. «Уларни ҳақиқатан ҳам халқ хоҳиш-истагининг акс этиши деб атаб бўлмайди», — деди Гутерриш.

Аввалроқ Россия Запорожье ва Херсон вилоятлари давлат суверенитети ва мустақиллигини тан олгани, тегишли фармонларни мамлакат президенти Владимир Путин имзолагани хабар берилганди.

30 сентябрь куни 15:00 да (Тошкент вақти билан 17:00) эса Кремлда янги ҳудудларнинг Россия таркибига қўшилиши ҳақидаги шартномалар имзоланиши кутилмоқда.

Референдумлар

Россия таркибига кириш ҳақидаги референдумларда овоз бериш 27 сентябрь куни якунланди. 28 сентябрь куни эрталаб Донбасс сайлов комиссиялари овозларнинг 100 фоизи кўриб чиқилганидан кейин референдумлар натижаларини эълон қилди. Уларнинг айтишича, ЛХР сайловчиларининг 98,42 фоизи, ДХР электоратининг 99,23 фоизи, Запорожье ва Херсон вилоятлари босиб олинган ҳудудлари аҳолисининг эса тегишли равишда 93,1 фоизи ва 87,05 фоизи Россия таркибига қўшилишни ёқлаб овоз берган.

Референдумлар бошланишидан олдиноқ Путин Россия Донбасс, шунингдек, икки вилоят фуқароларининг якуний қарорини қўллаб-қувватлашини айтганди.

АҚШ ва Евроиттифоқ эса референдум натижаларини тан олмаслигини маълум қилган ва у ўтказилган тақдирда, Россияга қарши янги санкциялар киритиш билан таҳдид қилганди. Шунингдек, Сербия ва Туркия ҳам овоз бериш якунларини тан олмаслигини билдирган.

Канада бош вазири референдумлар туфайли Россияга қарши янги санкциялар киритилишини эълон қилди. Зеленский эса референдумлар тан олинса, Путин билан музокаралар ўтказмаслигини айтди.

Изоҳ
Асосий янгиликлар
Дунё
Фото: Зарбалардан кейин чироқсиз қолган Украинанинг коинотдан кўриниши
Маҳаллий
Андижонда Isuzu ва юк машинаси тўқнашиши оқибатида 41 киши жароҳатланди, 3 нафари воқеа жойида ҳалок бўлган
Дунё
Сена дарёси бўйлаб сайр: турли-туман қиёфалар ва машҳур тарихий обидалар — суратларда