АПЛ юлдузларидан иборат жамоа тузилиши мумкин

Англия Премер Лигасида юлдузлар жамоаси ташкил этилиши мумкин, дея хабар қилмоқда The Times.

АПЛ юлдузларидан йиғилган бу жамоа бошқа лига юлдузлари билан ўзаро ўйин ўтказади, масалан: Ла Лига ва Бундеслига. Аудиторияни кенгайтириш учун бу ўйинларни дунё бўйлаб ўтказиш режалаштирилган.

Бу ғояни «Челси»нинг хўжайинларидан бири Тодд Боэли илгари сурмоқда. Аввалроқ у АПЛнинг шимол ва жанубий клублари юлдузлари ўртасида ўйин ўтказишни таклиф қилганди.

Қайд этилишича, Боэлининг таклифлари ичида Премер Лига юлдузлари жамоасини тузиш ва унинг иштирокида бошқа топ-5 лик лигалари юлдузлари билан ўйин ўтказиш варианти кўпчиликка маъқул келган.