Ўзбекистон россиялик тадбиркорлар учун янги компания очишда энг машҳур йўналишга айланди
Пул ўтказмалари билан юзага келаётган муаммолар туфайли кўплаб россиялик тадбиркорлар МДҲ давлатлари, жумладан Ўзбекистонда ўз корхоналарини очишга киришди. Бу ҳақда «Коммерсантъ» хабар бермоқда.
Бунга сабаб эса Россия банкларининг SWIFT халқаро тўлов тизимидан узилгани ва валюта ўтказмалари миқдори жисмоний шахслар учун 1 миллион доллар билан чеклангани бўлди.
Энг машҳур йўналишлар Ўзбекистон, Қозоғистон, Арманистон ва Қирғизистон. Ушбу мамлакатларда сиз бизнес очишингиз ва хорижий контрагентлар билан хорижий валютада ҳисоб-китобларни давом эттиришингиз мумкин, — дейди Alps & Chase ҳуқуқшуноси Наталя Салникова.
Унга кўра, кимдир бошқа мамлакатда бизнес очишни фаолиятидаги кенгайиш, янги бозорларни ўрганиш имконияти, деб ҳисоблайди. Бошқалар эса чет элда очилган компаниялардан фақат валюта марказлари сифатида фойдаланади.
Агар илгари МДҲ мамлакатларидаги банкларда ҳар қандай бизнес учун ҳисоб рақамларини масофадан туриб очиш имконияти бўлган бўлса, ҳозир Қозоғистон, Арманистон, Ўзбекистон ва Қирғизистонда қатъий риоя жорий қилинган.
Энди компания директори мамлакатга келиши ва фаолиятини батафсил тасвирлаб бериши талаб этилади. Бусиз компания учун ҳисоб очиш имконсиз.
Агар тадбиркор мамлакатни ўз бизнеси учун транзит мамлакат деб ҳисоблаб, унинг ҳудудида реал фаолият юритмаса, банк ҳисоб рақамини очиш рад этилади, — дейди Салникова.
Мавзуга доир:
- Россия ишбилармонларининг Ўзбекистонга хизмат сафарлари сони ошди;
- Ўзбекистонда Россия компаниялари сони кескин кўпайди.
