Ўзбекистонда қизлар кўпроқ неча ёшдан турмушга чиқмоқда?

Давлат статистика қўмитаси Ўзбекистонда 2022 йилнинг январь—август ойларида никоҳланганларнинг ёш тоифаси ҳақида маълумот берди.

Унга кўра, йигит-қизлар кўпроқ 20-30 ёшлар атрофида никоҳланмоқда. Саккиз ойда қизларнинг 98 619 нафари, йигитларнинг 134 500 нафари шу ёш атрофида оила қурган.

Бу вақт давомида 20 ёшгача бўлган 49 272 нафар қиз никоҳдан ўтган. Йигитларнинг 1 753 нафари шу ёшигача уйланган.

Шунингдек, январь—август ойларида 31-40 ёш атрофида бўлган 13 740 нафар аёл, 19 611 нафар эркак, 41-50 ёш атрофида бўлган 2 923 нафар аёл, 5 740 нафар эркак никоҳи қайд этилган.

Никоҳи қайд этилган аёлларнинг 922 нафари, эркакларнинг 3 872 нафари 51 ёш ва ундан катта бўлган.

Мавзуга доир: Август ойида қайси ҳудудларда энг кўп никоҳ қайд этилди? — статистика