Ўзбекистонда ички йўналишлар бўйича янги авиақатновлар жорий этилди

Uzbekistan Airways 27 сентябрдан республика ичидаги йўналишлар бўйича янги қатновлар жорий этилишини маълум қилди.

Андижон—Самарқанд—Андижон йўналиши. Ушбу йўналиш душанба ва сешанба кунлари амалга оширилади. Чипта нархи бир томонга 206 184 сўмдан, бориб-қайтиш чиптаси эса 434 072 сўмдан бошланади.:

Самарқанд—Наманган—Самарқанд йўналиши чоршанба шанба кунлари амалга оширилади. Чипта нархи бир томонга 227 888 сўмдан, бориб-қайтиш чиптаси эса 434 072 сўмдан бошланади.

Урганч—Фарғона—Урганч йўналиши чоршанба ва шанба кунлари амалга оширилади. Чипта нархи бир томонга 314 702 сўмдан, бориб-қайтиш чиптаси 596 849 сўмдан бошланади.

Самарқанд—Фарғона—Самарқанд йўналишидаги қатновлар жума кунлари амалга оширилади. Чипта нархи бир томонга 227 888 сўмдан, бориб-қайтиш чиптаси 434 072 сўмдан бошланади.

Наманган—Бухоро—Наманган йўналишидаги қатновлар чоршанба кунлари амалга оширилади. Чипта нархи бир томонга 292 998 сўмдан, бориб-қайтиш 596 849 сўмдан бошланади.