Бугун,

  • USD 11014.01
  • RUB 191.8
  • EUR 10674.78

Бокс бўйича супер ўрта вазн тоифаси мутлақ чемпиони Сауль Альварес (57-2-2, 39 КО) ва Геннадий Головкин (42-1-1, 37 КО) нигоҳлар тўқнашувида иштирок этди.

Улар ўртасидаги жанг 17 сентябрь (Ўзбекистон вақти билан 18 сентябрь тонги) куни Лас-Вегасдаги (АҚШ, Невада штати) Т-Mobile аренасида бўлиб ўтади.

Жанг олдидан спортчилар ўз фикрларини билдириб ўтди.

Фото: Getty Images

Фото: Getty Images
Ҳамма нарсага ишонаман. Ғалабамга, ўзимга, жамоамга, мени қўллаб-қувватлайдиган одамларга, оиламга ишонаман. Бу менинг ҳаётим, ҳақиқий ҳаётим.

Иккаламиз ҳам профессионал спортчилармиз. Унинг стратегияси тажовузкорроқ, меники эса тажрибага таянилган. Кўришгунча. Ринг ким яхшироқ эканлигини кўрсатади. Бу биз учун энг катта жанг ҳисобланади.

Бу вазн тоифаси мен учун янги қадам, аввалгисида учта камарга эга чиққанман. Ҳамма нарса ўзгаради, ҳаётда ҳамма нарса бўлиши мумкин.

Геннадий Головкин, боксчи

Фото: Getty Images

Фото: Getty Images
Рингга қайтганимдан хурсандман. Жуда руҳланган ҳолда қайтдим. Мағлубият оғир бўлди, бироқ биз янада кучлироқ бўлдик.

Қўллаб-қувватлаган барчага миннатдорчилигимни билдираман. Шанба куни менинг энг кучли тарафларимни кўрасиз.

Ўзимни босим остида яхшироқ ишлаётгандек ҳис қиляпман ва ўзимга яна бир босим қилмоқчиман, жангни 12-раунддан олдинроқ тугатиш. Головкинни нокаутга учратиш қийин, бироқ мен бор кучим билан ҳаракат қиламан.

Биламан, жуда қийин бўлади, лекин ҳаётда ҳеч нарсага осонликча эришиб бўлмайди. Ҳар доим қийин нарсаларга эришиш учун ҳаракат қилганман.

Қаршимда кучли ва ақлли рақиб турибди, бироқ шанба оқшомида уни мағлуб этиш асосий мақсадим бўлади.

Сауль Альварес, боксчи

Сауль Альварес ва Геннадий Головкин ўртасидаги биринчи жанг 2017 йил 16 сентябрида ташкил этилган, унда дуранг қайд этилган. Иккинчи жанг эса 2018 йил 15 сентябрда бўлиб ўтган. Унда Сауль Альвареснинг қўли баланд келган.

«Канело» сўнгги жангини 8 май куни оғир вазн тоифасида WBO камари соҳиби Дмитрий Биволга (20-0, 11 КО) қарши ўтказиб, мағлуб бўлганди.

«GGG» эса 9 апрель куни WBA чемпиони япониялик Риота Мурата (16-2, 13 КО) билан бирлаштирувчи жангда рингга кўтарилган. Жангда қозоғистонлик боксчи устунликка эга бўлган ва 9-раундда техник нокаут эвазига ғалаба қозонган.

Изоҳ
Асосий янгиликлар